Read Ыдыктыг Библия, 2011 Осия 14 Bible Online

Осия 14 - Ыдыктыг Библия, 2011 bible

Осия 14

¹Самария бодунуң буруузун чүктээр, чүге дээрге бодунуң Бурганынга удур тура халаан-дыр; израильчилер хылыштан кырлып калыр, оларның чаш төлдерин черже чылча октап, сааттыг херээженнерин одура шаап каар».

²Израиль, Дээрги-Чаяакчы Бурганыңче эглип кел, чүге дээрге кем-бурууң дээш кээп дүшкен-дир сен.

³Мөргүүр сөстериңер боданып алгаш, Дээрги-Чаяакчыже эглип кээп: „Хамык кем-буруувусту өршээп, эккээр чүүлүвүстү ээ көрнүүшкүн-биле хүлээп ап көрем, аксы-сөзүвүстүң макталын өргүл кылдыр Сеңээ эккээр бис.

⁴Ассирия бисти камгалавас, дайынчы аъттарывысты мунмас бис, холувустуң кылыгларын ‘Бурганывыс’ деп адавас бис, чүге дээрге өскүс улуска чүгле Сен ээ-хайыралыг болгай сен“ — деп чугаалаңар.

⁵Менден ойталаар чоруктан оларны экиртир мен, оларга сеткилим ханызындан ынак болур мен, чүге дээрге Мээң килеңим олардан чайлай берген-дир.

⁶Мен Израильге чаъс-шалың дег болур мен, ол ынчан лилия дег чечектелир, Ливан дагда пөш дег, дазылдары тарай өзер;

⁷ооң будуктары чаттылдыр херлир, ол чараш-каазы-биле — олива ыяжы дег, чаагай чыды-биле — Ливанның пөжү дег апаар.

⁸Ооң хөлегезинге серииттенип олурган улус ээп келир, олар далган-тарааны эңдере ажаап аар [40], боттары виноград сывы дег чечектелип, Ливанның сураглыг арагазы ышкаш алдаржый бээрлер.

⁹Эфрем ынчан: „Дүрзү-бурганнарның меңээ херээ чүл?“ — деп чугаалаар. Мен ооң мөргүлүнге харыылап, ону карактап көөр мен, аңаа девээлиг ыяш дег болур мен; сенде бар ачы-буянның үнген дөзү мен.

¹⁰Мерген угаанныг кижи ол бүгүнү билип алзын, сарыылдыг кижи угаап билзин. Дээрги-Чаяакчының оруктары дорт болгай — чөптүг-шынныг улус ол оруктап чоруптар, а үймээнчи улус аңаа чорааш, кээп дүжер».