Read Ыдыктыг Библия, 2011 Осия 9 Bible Online

Осия 9 - Ыдыктыг Библия, 2011 bible

Осия 9

¹Израиль, өөрбейн көр, өске чоннар ышкаш байырлап-хөглеве, чүге дээрге самыырааш, Бурганыңдан ойталаан-дыр сен, хамык тараа шаңнарынга [25] самыын-садар чорук дээш төлевир алырынга ынак-тыр сен.

²Израильчилер боттарының далган-тараазын, олива чимизин чип шыдавас, боттарының виноград арагазынга идегели боттанмас.

³Олар Дээрги-Чаяакчының черинге чурттап артпас. Эфрем Египетче дедир чоруптар, Ассирияга база арыг эвес аъш-чем чиир.

⁴Олар ынчан Дээрги-Чаяакчыга арагазын өргүп кутпас, оларның өргүлдери Аңаа таарышпас, өргүл аъш-чеми оларга хөөржүдүлге аъш-чеми дег болур — ону чиген бүгү улус арыг эвес апаар, чүге дээрге оларның аъш-чеми чүгле боттарының чииринге ажыглаттынып, Дээрги-Чаяакчының өргээзинче кирбес.

⁵Байырланчыг чыыш хүнүнде, Дээрги-Чаяакчыга тураскааткан байырлал хүнүнде канчаар силер?

⁶Израильчилер чылча шаптырыышкындан чайлай берзе-даа, Египет оларны чыггаш, Мемфиске хөөржүдүп каар. Оларның мөңгүнден кылган улуг үнелиг чүүлдерин шагар-оът дуй аптар, чадырларынга тенниг үнүштер үнүп кээр.

⁷Ялаладыр, кеземче көөр хүннери келген дээрзин израильчилер билип алзын. Бурганның медээчизи мелегей бе? Бурганның Сүлдезинге башкарткан кижи угаанын ышкынган бе? Сээң хөй санныг бузуттуг үүлгедиглериң дээш, өндүр улуг өжээннешкек чорууң дээш, Бурганның медээчилери ындыг улус апарган-дыр.

⁸Бурганымның чону Эфремниң доскуулчузу — Бурганның медээчизи, ынчалза-даа ооң бүгү оруктарында какпа салып каан, аңаа өжээнниг улус ооң Бурганының өргээзинде-даа бар.

⁹Израильчилер боттарының бузуттуг үүлгедиглерин, Гивага болуп турганы дег, күштелдирип алган-дыр, Бурган оларның кем-буруузун бодап келгеш, бачыттарының ужун кезедир.

¹⁰«Мен Израильди тып аарымга, ол ээн кургаг ховуда үнген виноград дег турган, сээң ада-өгбеңни фига ыяжының быжар өйү келген баштайгы чимизи дег кылдыр көрүп каан мен. А олар Фегор дагга чедип келгеш, Ваал дээр ыянчыг бурганга боттарын бараалгатканнар, ынакшый берген дүрзү-бурганы дег чүдек-бужар апарганнар.

¹¹Эфремниң ат-алдары куш ышкаш ужуп чоруй баар — ажы-төл төрүттүнмес, херээженнер иштелбес база божувас.

¹²А ажы-төлүн өстүрүп-даа аар болза, чаңгызын-даа дириг арттырбас мен, олардан хая көрнү бээримге, ат болурлар!»

¹³Мээң көргеним ёзугаар Эфрем, Тир хоорай ышкаш, кайгамчык эки черде турар-дыр, ындыг-даа болза, Эфрем бодунуң ажы-төлүн өлүрүкчүже үндүрер ужурга таваржыр.

¹⁴Дээрги-Чаяакчы, оларга бээр дээн чүвеңни берип көр. Божуп-төрүвес ижин-хырынныг, соглуп калган эмиглиг кылып каап көр.

¹⁵«Израильчилерниң бүгү бузуду — Галгалда, аңаа оларны көөр хөңнүм чок апарган; бүгү бузуттуг үүлгедиглери дээш, оларны Бодумнуң черимден [26] үндүр ойладыптар мен, оларга моон соңгаар ынак болбас мен; оларның нояннары шуптузу Менден ойталаан болгай.

¹⁶Эфрем буураан, дазылы кургап калган үнүштүң чимис бербези дег, израильчилер база үре-төл чок болур, а бир эвес божуп-төрүүр-даа болза, оларның иштинге боттанган күзенчиг үре-төлүн өлүрүп каар мен».

¹⁷Бурганым олардан ойталаар, чүге дээрге Ону тооп дыңнавааннар-дыр; олар өске чоннар аразынга улчуп чоруп бээр.