Read Ыдыктыг Библия, 2011 Числа 7 Bible Online

Числа 7 - Ыдыктыг Библия, 2011 bible

Числа 7

¹Моисей Ужуражылга майгынын тудуп дооскаш, ону, ооң хамык херекселдерин олива үзү-биле чаап, ыдыктап каан база өргүл салыр бедигээшти, ооң хамык херекселдерин чаап, ыдыктап каан.

²Ынчан Израильдиң аймактарының баштыңнары аңаа чедип келгеннер. Төрел бөлүктерниң улуг кижилери, санаашкынны эргелеп-башкарып турган улус ол чүве-дир.

³Олар боттарының дараазында өргүлдерин Дээрги-Чаяакчының мурнунга эккелгеннер. Кыры шывыглыг алды терге биле он ийи буганы: ийи баштыңдан-на — бир терге база бир баштыңдан-на — бир буга кылдыр өргээ-майгынның мурнунга эккеп кааннар.

⁴Дээрги-Чаяакчы Моисейге мынча деп чугаалаан:

⁵«Баштыңнарның өргүп турар чүүлдерин хүлээп ал — ол бүгүнү майгынга ажылдар кылырда ажыглаар кылдыр левиттерге, кылып турар ажылын барымдаалап, бериптер сен».

⁶Моисей тергелер биле бугаларны хүлээп алгаш, левиттерге дамчыдып берген.

⁷Ийи терге биле дөрт буганы Гирсоннуң үре-салгалынга, оларның кылып турар ажылының хевирин барымдаалап, хүлээдип берген;

⁸дөрт терге биле сес буганы Мерариниң үре-салгалынга, кылып турар ажылын барымдаалап, хүлээдип берген; ол эт-херексел Аарон бараалгакчының оглу Ифамарның хайгааралында турган.

⁹А Кохаттың үре-салгалынга чүнү-даа бербээн, чүге дээрге оларның ажылы — ыдыктыг чүүлдерни боттарының эгиннеринге салгаш, дажыглаары турган.

¹⁰Чоннуң баштыңнары өргүл салыр бедигээшти олива үзү-биле чаап каан хүнде бедигээшти ыдыктаанынга бараалгаткан өргүлдерни ооң мурнунга эккеп салып кааннар.

¹¹Дээрги-Чаяакчы Моисейге: «Бир хүнде-ле бир баштың кижи бедигээшти ыдыктаанынга бараалгаткан өргүлүн эккеп турзун» — дээн.

¹²Бирги хүнде бодунуң өргүлүн эккелген кижи — Аминадавтың оглу, Иуданың аймааның баштыңы Наассон болган.

¹³Ооң өргүлү бо-дур: 130 °шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

¹⁴айдызаар чүүлдер-биле долдуруп каан, 10 шекел деңзилиг бир алдын дагыл [6]:

¹⁵бүрүн өрттедир өргүл кылдыр — бир бугажык, бир кошкар, бир харлыг эр хураган;

¹⁶бачыт дээш өргүл кылдыр — бир дүктүгүр хуна;

¹⁷эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Аминадавтың оглу Наассоннуң өргүлү ол-дур.

¹⁸Ийиги хүнде Цуарның оглу, Иссахарның аймааның баштыңы Нафанаил өргүлүн эккелген.

¹⁹Ол бодунуң өмүнээзинден дараазында өргүлдерни эккелген: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

²⁰айдызаар чүүлдер-биле долдуруп каан, 10 шекел деңзилиг бир алдын дагыл;

²¹бүрүн өрттедир өргүл кылдыр — бир бугажык, бир кошкар болгаш бир харлыг эр хураганны;

²²бачыт дээш өргүл кылдыр — бир дүктүгүр хунаны;

²³эп-найырал өргүлү кылдыр — ийи буга, беш кошкар, беш хуна болгаш бир харлыг беш эр хураганны. Цуарның оглу Нафанаилдиң өргүлү ол-дур.

²⁴Үшкү хүнде Хелоннуң оглу, Завулоннуң үре-салгалының баштыңы Элиав чедип келген.

²⁵Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

²⁶айдызаар чүүлдер-биле долдуруп каан, 10 шекел деңзилиг бир алдын дагыл;

²⁷бүрүн өрттедир өргүл кылдыр — бир бугажык, бир кошкар, бир харлыг эр хураган;

²⁸бачыт дээш өргүл кылдыр — бир дүктүгүр хуна;

²⁹эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Хелоннуң оглу Элиавтың өргүлү ол-дур.

³⁰Дөрткү хүнде Шедеурнуң оглу, Рувимниң үре-салгалының баштыңы Элицур чедип келген.

³¹Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

³²айдызаар чүүлдер-биле долдуруп каан, 10 шекел деңзилиг бир алдын дагыл;

³³бүрүн өрттедир өргүл кылдыр — бир бугажык, бир кошкар, бир харлыг эр хураган;

³⁴бачыт дээш өргүл кылдыр — бир дүктүгүр хуна;

³⁵эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Шедеурнуң оглу Элицурнуң өргүлү ол-дур.

³⁶Бешки хүнде Цури-Шаддайның оглу, Симеоннуң үре-салгалының баштыңы Шелумиил чедип келген.

³⁷Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

³⁸айдызаар чүүлдер-биле долдуруп каан, 10 шекел деңзилиг бир алдын дагыл;

³⁹бүрүн өрттедир өргүл кылдыр — бир бугажык, бир кошкар, бир харлыг эр хураган;

⁴⁰бачыт дээш өргүл кылдыр — бир дүктүгүр хуна;

⁴¹эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Цури-Шаддайның оглу Шелумиилдиң өргүлү ол-дур.

⁴²Алдыгы хүнде Регуилдиң оглу, Гадтың үре-салгалының баштыңы Элиасаф чедип келген.

⁴³Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

⁴⁴айдызаар чүүлдер-биле долдуруп каан, 10 шекел деңзилиг бир алдын дагыл;

⁴⁵бүрүн өрттедир өргүл кылдыр — бир бугажык, бир кошкар, бир харлыг эр хураган;

⁴⁶бачыт дээш өргүл кылдыр — бир дүктүгүр хуна;

⁴⁷эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Регуилдиң оглу Элиасафтың өргүлү ол-дур.

⁴⁸Чедиги хүнде Аммиудтуң оглу, Эфремниң үре-салгалының баштыңы Элишама чедип келген.

⁴⁹Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

⁵⁰айдызаар чүүлдер-биле долдуруп каан, 10 шекел деңзилиг бир алдын дагыл;

⁵¹бүрүн өрттедир өргүл кылдыр — бир бугажык, бир кошкар, бир харлыг эр хураган;

⁵²бачыт дээш өргүл кылдыр — бир дүктүгүр хуна;

⁵³эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Аммиудтуң оглу Элишаманың өргүлү ол-дур.

⁵⁴Сески хүнде Педацурнуң оглу, Манассияның үре-салгалының баштыңы Гамалиил чедип келген.

⁵⁵Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

⁵⁶айдызаар чүүлдер-биле долдуруп каан, 10 шекел деңзилиг бир алдын дагыл;

⁵⁷бүрүн өрттедир өргүл кылдыр — бир бугажык, бир кошкар, бир харлыг эр хураган;

⁵⁸бачыт дээш өргүл кылдыр — бир дүктүгүр хуна;

⁵⁹эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Педацурнуң оглу Гамалиилдиң өргүлү ол-дур.

⁶⁰Тоску хүнде Гидеонийниң оглу, Вениаминниң үре-салгалының баштыңы Авидан чедип келген.

⁶¹Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

⁶²айдызаар чүүлдер-биле долдуруп каан, 10 шекел деңзилиг бир алдын дагыл;

⁶³бүрүн өрттедир өргүл кылдыр — бир бугажык, бир кошкар, бир харлыг эр хураган;

⁶⁴бачыт дээш өргүл кылдыр — бир дүктүгүр хуна;

⁶⁵эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Гидеонийниң оглу Авиданның өргүлү ол-дур.

⁶⁶Онгу хүнде Амми-Шаддайның оглу, Данның үре-салгалының баштыңы Ахиезер чедип келген.

⁶⁷Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

⁶⁸айдызаар чүүлдер-биле долдуруп каан, 10 шекел деңзилиг бир алдын дагыл;

⁶⁹бүрүн өрттедир өргүл кылдыр — бир бугажык, бир кошкар, бир харлыг эр хураган;

⁷⁰бачыт дээш өргүл кылдыр — бир дүктүгүр хуна;

⁷¹эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Амми-Шаддайның оглу Ахиезерниң өргүлү ол-дур.

⁷²Он бирги хүнде Охранның оглу, Асирниң үре-салгалының баштыңы Пагиил чедип келген.

⁷³Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

⁷⁴айдызаар чүүлдер-биле долдуруп каан, 10 шекел деңзилиг бир алдын дагыл;

⁷⁵бүрүн өрттедир өргүл кылдыр — бир бугажык, бир кошкар, бир харлыг эр хураган;

⁷⁶бачыт дээш өргүл кылдыр — бир дүктүгүр хуна;

⁷⁷эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Охранның оглу Пагиилдиң өргүлү ол-дур.

⁷⁸Он ийиги хүнде Энанның оглу, Неффалимниң үре-салгалының баштыңы Ахира чедип келген.

⁷⁹Ооң өргүлү бо-дур: 130 шекел деңзилиг бир мөңгүн тавак, 70 шекел деңзилиг бир мөңгүн хува аяк (оларның деңзизин ыдыктыг черге ажыглаар шекел ёзугаар тодараткан) — ол ийи саваны далган-тараа өргүлү болур, олива үзү холаан эң шынарлыг кызыл-тас далганы-биле долдуруп каан болган;

⁸⁰айдызаар чүүлдер-биле долдуруп каан, 10 шекел деңзилиг бир алдын дагыл;

⁸¹бүрүн өрттедир өргүл кылдыр — бир бугажык, бир кошкар, бир харлыг эр хураган;

⁸²бачыт дээш өргүл кылдыр — бир дүктүгүр хуна;

⁸³эп-найырал өргүлү кылдыр — ийи буга, беш кошкар, беш хуна, бир харлыг беш эр хураган. Энанның оглу Ахираның өргүлү ол-дур.

⁸⁴Өргүл салыр бедигээшти олива үзү-биле чаап турган хүнде, ону ыдыктаанынга бараалгадып, Израильдиң баштыңнарының салган өргүлдери бо-дур: он ийи мөңгүн тавак, он ийи мөңгүн хува аяк, он ийи алдын дагыл.

⁸⁵Бир мөңгүн тавак-ла 130 шекел деңзилиг, бир мөңгүн хува аяк-ла 70 шекел деңзилиг — ол мөңгүн савалар ниитизи-биле 2400 ыдыктыг шекел деңзилиг турган.

⁸⁶Айдызаар чүүл-биле долдуруп каан он ийи алдын дагылдың бирээзи-ле 10 ыдыктыг шекел деңзилиг, а оларның ниити деңзизи 120 шекел болган.

⁸⁷Бүрүн өрттеткен өргүл кылдыр салган мал шупту бо-дур: он ийи бугажык, он ийи кошкар, бир харлыг он ийи эр хураган. Олар-биле кады далган-тараа өргүлүн база бачыт дээш өргүл кылдыр он ийи дүктүгүр хунаны салган.

⁸⁸Эп-найырал өргүлү кылдыр салган мал шупту бо-дур: бода малдан — чээрби дөрт буга, алдан кошкар, алдан хуна, бир харлыг алдан эр хураган. Өргүл бедигээжин олива үзү-биле чаап каарга, ону ыдыктаанынга бараалгадып салган өргүлдер ол-дур.

⁸⁹Моисей Дээрги-Чаяакчы-биле чугаалажыр дээш Ужуражылга майгынынче кирип келгеш, ыдыктыг аптараның халывының кырында турар ийи херувимниң аразындан ооң-биле чугаалашкан үннү дыңнап турган: Дээрги-Чаяакчы аңаа ынчалдыр чугаалап турган.