Read Ыдыктыг Библия, 2011 Аввакум 3 Bible Online

Аввакум 3 - Ыдыктыг Библия, 2011 bible

Аввакум 3

¹Аввакум медээчиниң мөргүлү. Шигионот-ыр. [1]

²Дээрги-Чаяакчы, Сээң дугайыңда дыңнап кагдым, Сээң ажыл-херектериң мени сүрээдедип тур; өндүр улуг ажыл-херээңни бистиң үеде база чаартып көргүзүп көр. Килеңнеп-даа тура, өршээлиңни утпайн көр. Сэла

³Бурган — Темандан, ыдыктыг Дээрги — Фаран дагларындан чедип кел чыдыр [7]. Сэла Ооң өндүр бедии дээрлерни шыва алган, Аңаа алдар-мактал черни бүргээн!

⁴Ооң чайыны кызаңнаан чырык дег, Ооң холундан херелдер чырып үнүп турар, Ооң күчү-күжү ында чажыртынган.

⁵Ооң мурнунга аарыг-аржык тараар, изиг-халыын Ооң изи-биле чоруур [8].

⁶Ол доктаай бергеш, черни хемчээй көрүпкен [9], Ооң көрүжү чоннарны сириледипкен; үе-дүптүң даглары буступ кээп дүшкен, эрте-бурунгу тейлер чавызай берген; Бурганның оруктары үе-дүптен бээр турган.

⁷Кушан черниң чадырлары айыыл-халапка алысканын көрген мен; мадиан черниң майгыннары сириңейнип турган.

⁸Дээрги-Чаяакчы, Сээң килеңиң хемнерже кыптыкканы ол бе, агым сугларга хорадааның ол бе, далайга ажынганың ол бе? Чүге аъттарыңны мунуп алдың, чүге тиилелгелиг дайынчы тергелериңде саадаптың?

⁹Аймактарга даңгыраглаан аазаашкының бадыткап, ча-согунуң белеткеп алдың [10]. Сэла Чер кырын хемнер-биле диле кезиптиң.

¹⁰Сени көрүп кааш, даглар сириңейни берген, суглар аттыгып баткан, дүп чок далай алгырып эгелээш, чалгыгларын диргелдир көдүрүпкен.

¹¹Сээң ужуккан согуннарың чырыын, чайынналган чыдаларың кызаңнаанын көргеш, хүн биле ай турган черинге доктаай берген.

¹²Килеңней бергеш, Сен чер кыры-биле базып эрте бердиң, хорадай бергеш, чоннарны базып кагдың.

¹³Бодуңнуң чонуңну камгалаар дээш, шилип алганың улусту [11] камгалаар дээш чоруптуң; бузуттуг чоннуң баштыңын узуткап кагдың, ону таваңгайындан тейинге чедир шалдаңнап кагдың. Сэла

¹⁴Ооң аг-шерии, мени чылча шавар дээш, казыргы дег халдап келген. Олар, түреңги кижини бүдүү сыырар дээнде дег, амырап турдулар. А Сен оларның баштыңын ооң бодунуң-на чыдалары-биле өттүр шанчып кагдың;

¹⁵Сен Бодуңнуң аъттарың-биле далайга, өндүр улуг сугларга орук изеп алдың.

¹⁶Ол шимээн-даашты дыңнап кааш, ишти-хөңнүм сүрээдеп сирилеш дээн, диштерим шаккыңайнып, сөөк-даяам ирик дег апарып, буттарым сириңейни берген. Ындыг-даа болза, бисти үптеп турар чонну айыыл-халап хүнү таварыырын манаар мен [12].

¹⁷Фига ыяжы чечектелбес, виноград сыптарында каттар чок, оливаның чимизи үнмес, шөл дүжүдүн бербес-даа болза, кажааларда мал-маган чок-даа болза,

¹⁸ынчан безин Дээрги-Чаяакчы дээш өөрүүр мен, мени камгалаар Бурганым дээш хөглээр мен.

¹⁹Дээрги-Чаяакчы — мээң күчү-күжүм, мээң Дээргим! Ол мээң будумну сыын буду дег кылып каар, бедиктерже мени көдүрер.