Read Ыдыктыг Библия, 2011 К Евреям 1 Bible Online

К Евреям 1 - Ыдыктыг Библия, 2011 bible

К Евреям 1

¹Эрткен үеде Бурган бистиң ада-өгбевиске Бодунуң медээчилерин дамчыштыр хөй катап, хөй янзы аргалар-биле чугаа кылып келген.

²А бо сөөлгү хүннерде Бурган Бодунуң Оглун дамчыштыр бис-биле чугаалажып турган. Ол Ону бүгүдени чагырар салгакчызы кылдыр томуйлааш, Ону дамчыштыр өртемчейни чаяаган.

³Оглу дээрге өндүр чырык Бурганның овур-хевири-дир база Ооң алыс бүдүжүнүң кара чаңгыс дөмей овур-дүрзүзү-дүр. Ол Бодунуң күчүлүг сөзү-биле бүгүдени тудуп турар. Ол бисти бачыттарывыстан арыглааш, дээрлерге кымдан-даа бедикке, Дээди Өрүкүнүң оң талазынга барып олурупкан.

⁴Бурганның Оглу дээрниң төлээлеринден кайы хире өндүр бедигил, Ооң салгап алган ады оларның аттарындан ол хире алдарлыг.

⁵Дээрниң шупту төлээлериниң кайызынга бир шагда Бурган: «Сен — Мээң Оглум сен, Мен бөгүн Сээң Адаң апардым» — деп чугаалааныл? Азы: «Мен Ооң Адазы болур мен, а Ол Мээң Оглум болур» — дээнил?

⁶Улуг Оглун өртемчейже эккеп тура, Ол: «Бурганның бүгү төлээлери Аңаа мөгейзиннер» — деп база чугаалаан.

⁷Бижилгеде дээрниң төлээлеринге хамаарыштыр: «Ол Бодунуң төлээлерин — хаттар кылып каан, а бараан болукчуларын — оттуң чалбыыштары кылып каан» деп бижээн.

⁸А Оглунга хамаарыштыр: «О Бурган, Сээң дүжүлгең кезээ мөңгеде турар, чөптүг чорукту демдеглээн мерге — Сээң чагыргаңның мергези.

⁹Сен чөптүг чорукка ынак, а бузутту көөр хөңнүң чок сен. Ынчангаш Бурган — Сээң Бурганың эш-өөрүң аразындан сени шилип ап, өөрүшкү-биле чаап кагды» деп бижээн.

¹⁰А оон ыңай: «Дээрги-Чаяакчы, Сен үе-дүпте чер-делегейни үндезилеп тургустуң, дээрлер база Сээң холуңнуң чаяалгазы.

¹¹Чер биле дээр чиде-даа бээрге, Сен артып каар сен. Олар шупту хеп ышкаш элеп каар;

¹²оларны Сен тон ышкаш дүрүп каар сен, олар, хеп ышкаш, солуттунуп, чиде бээрлер. А Сен биеэги хевээр сен, Сээң назының төнчү чок» деп бижээн.

¹³Дээрниң төлээлериниң кайызынга кажан-бир шагда Бурган мынча деп чугаалааныл: «Дайзыннарыңны буттарың адаанга эккеп салбаан шаамда, Мээң оң таламга олур?»

¹⁴Дээрниң шупту төлээлери кымнар ийик? Камгалалды салгап алыр улуска дузалазыннар дээш чоруткан бараан болукчу сүлделер эвес чүве бе?