Read Ыдыктыг Библия, 2011 1. Петра 5 Bible Online

1. Петра 5 - Ыдыктыг Библия, 2011 bible

1. Петра 5

¹Христостуң хилинчээниң херечизи, Ооң ажыттынып кээр ужурлуг өндүр-чаагайын үлежиксээн кордакчы болгаш удуртукчу болур мен ам силерниң араңарда удуртукчу улуска дараазында чүүлдерни чугаалап тур мен.

²Сагыш салыры-биле силерге арттырып каан Бурганның кодан хойларын кадарыңар. Ону албадаткан дег эвес, а эки тура-биле кылыңар — бараан болуушкунуңар ындыг болурун Бурган күзеп турар. Хуу ажык-кончаа сүрбеңер, а бараан боор дээн изиг күзелиңерден ажылдаңар.

³Силерге бүзүреп дааскан улусту дарлай бербеңер, харын коданыңарга үлегер болуңар.

⁴Дээди Кадарчы чедип кээрге, кажан-даа оңмас чаагай шаңналды алыр силер

⁵Башкартып чоруур улус, силер база удуртукчуларны шак ынчаар дыңнаңар [5]. Шуптуңар бот-боттарыңар мурнунга томаарыңар, чүге дээрге «Бурган адыыргак улуска удурланыр, а томаарааннарга ээ көрүүшкүнүн хайырлаар».

⁶Ынчангаш Бурганның күчүлүг холунуң адаанга боттарыңарны томаартыңар, Ооң доктааткан үези кээрге, Ол силерни өрү көдүрер.

⁷Хамык сагыш човаашкыннарыңарны Олче чая кааптыңар, чүге дээрге Ол силер дээш сагыш салып чоруур.

⁸Серемчилелдиг болгаш хынамчалыг болуңар. Силерниң дайзыныңар — эрлик, хөректенген арзылаң дег, «Кымны сыырыптар чоор» деп, долгандыр чимзенип чоруп турар.

⁹Бүзүрелиңер быжыг болуп, эрликке удур туржуңар, чүге дээрге бүгү делегейде бүзүрээн ха-дуңмаңар шак-ла ындыг хилинчекти шыдажып эртип турарын бодап чоруңар.

¹⁰Элээн үе иштинде хилинчек көөр-даа болзуңарза, мону сактып чоруңар: элбек авыралдыг Бурган силерни Христос Иисусту дамчыштыр мөңге өндүр бедик байдалды Ооң-биле үлежиринче кыйгырган. Ол силерни катап тургузар база күш болгаш шыдамык чорукту силерге бээр.

¹¹Бүгү эрге-чагырга [6] кезээ мөңгеде Аңаа доктаазын! Аминь.

¹²Бо кыска чагааны Бурганга шынчы деп санаарым эживис Силаның дузазы-биле силерге бижидим. Чагаам сагыжыңарны часкарарын база Бурганның авыралы алыс шынныг деп херечилээрин күзеп тур мен. Ол авырал ачызында чаныш-сыныш чок туржуңар!

¹³Бурганга силер ышкаш шилиттирген Вавилонда [7] христиан ниитилел, а оон ыңай оглум Марк силерге байыр чедирип тур.

¹⁴Бот-боттарыңарны Христостуң ынакшылы илерээр ошкаашкын-биле мендилеңер. Христоска хамааржыр шуптуңарга амыр-тайбың доктаазын! [8]