Read Twi Asante Gyenesis 36 Bible Online

Gyenesis 36 - Twi Asante bible

Gyenesis 36

¹ Na yeinom ne Esau (a wɔfrɛ no Edom) awoɔ ntoatoasoɔ:

² Esau waree Kanaanfoɔ mmaa: Hetini Elon babaa Ada, ne Hewini Sibeon ba Ana babaa Oholibama,

³ ne Ismael babaa Basmat, Nebaiot nuabaa.

⁴Na Ada woo Elifas maa Esau, na Basmat woo Reuel.

⁵Na Oholibama woo Yeus ne Yalam ne Kora. Yeinom ne Esau mma a wɔwoo wɔn wɔ Kanaan asase soɔ.

⁶Na Esau faa ne yerenom ne ne mmammarima ne ne mmammaa ne ne fiefoɔ nyinaa ne ne mmoa ne n’anantwie nyinaa ne n’ahonyadeɛ a ɔnyaeɛ wɔ Kanaan asase soɔ nyinaa, na ɔfirii ne nua Yakob ho kɔɔ asase bi so,

⁷ɛfiri sɛ wɔn ahonyadeɛ dɔɔso sene deɛ wɔde tena faako, na asase a wɔyɛ so ahɔhoɔ no, wɔn mmoa dodoɔ nti na wɔnsene so.

⁸Esau, a ɔno ara ne Edom no kɔtenaa Seir bepɔ so.

⁹Na yeinom ne Edomfoɔ agya Esau a ɔte Seir bepɔ soɔ no awoɔ ntoatoasoɔ:

¹⁰Esau mmammarima din nie: Esau yere Ada ba Elifas, ne Esau yere Basmat ba Reuel.

¹¹Na Elifas mma ne Teman, Omar, Sefo, Gatam ne Kenas.

¹²(Na Timna yɛ Esau ba Elifas mpena, na ɔwoo Amalek maa Elifas.) Yeinom ne Esau yere Ada mma.

¹³Na yeinom ne Reuel mma: Nahat, Sera, Sama ne Misa; yeinom ne Esau yere Basmat mma.

¹⁴Na yeinom ne Esau yere Oholibama, Sibeon ba Ana babaa no mma: Ɔwoo Yeus, Yalam ne Kora maa Esau.

¹⁵Yeinom ne Esau mma mu atitire: Esau abakan Elifas mma: Otitire Teman, otitire Omar, otitire Sefo, otitire Kenas,

¹⁶otitire Kora, otitire Gatam, ne otitire Amalek. Yeinom ne Elifas atitire wɔ Edom asase so; yeinom ne Ada mma.

¹⁷Na yeinom ne Esau ba Reuel mma: Otitire Nahat, otitire Sera, otitire Sama, ne otitire Misa. Yeinom ne Reuel atitire wɔ Edom asase so; yeinom ne Esau yere Basmat mma.

¹⁸Na yeinom ne Esau yere Oholibama mma: Otitire Yeus, otitire Yalam, otitire Kora. Yeinom ne Esau yere Oholibama, Ana ba, atitire no.

¹⁹Yeinom ne Esau mma, na yeinom ne wɔn atitire no; (ɔne Edom.)

²⁰ Yeinom ne Horini Seir mma asase no sofoɔ: Lotan, Sobal, Sibeon, Ana,

²¹Dison, Eser ne Disan. Yeinom ne Horifoɔ a wɔyɛ Seir mma a na wɔte Edom asase soɔ no atitire.

²²Na Lotan mma ne Hori ne Hemam, na Lotan nuabaa ne Timna.

²³Na yeinom ne Sobal mma: Alwan, Manahat, Ebal, Sefo ne Onam.

²⁴Na yeinom ne Sibeon mma: Aya ne Ana. Oyi ne Ana a na ɔhwɛ n’agya Sibeon mfunumu no, a ɔhunuu nsuohyeɛ aniwa wɔ ɛserɛ soɔ no.

²⁵Na yeinom ne Ana mma: Dison ne Oholibama, a ɔyɛ Ana babaa.

²⁶Na yeinom ne Dison mma: Hemdan, Esban, Itran ne Keran.

²⁷Yeinom ne Eser mma: Bilhan, Saawan ne Akan.

²⁸Yeinom ne Disan mma: Us ne Aran.

²⁹Yeinom ne Horifoɔ atitire: Otitire Lotan, otitire Sobal, otitire Sibeon, otitire Ana,

³⁰otitire Dison, otitire Eser, otitire Disan. Yeinom ne Horifoɔ atitire sɛdeɛ wɔn mmusua teɛ wɔ Seir asase soɔ.

³¹Yeinom ne ahemfo a wɔdii Edom asase soɔ ansa na obi redi Israel mma so hene.

³²Na Bela, Beor ba, dii Edomhene, na ne kuro din de Dinhaba.

³³Na Bela wui, na Sera ba Yobab a ɔfiri Bosra bɛdii n’adeɛ.

³⁴Na Yobab wui, na Husam a ɔfiri Teman asase soɔ no bɛdii n’adeɛ.

³⁵Na Husam wui, na Bedad ba Hadad a ɔkumm Midian wɔ Moab petee mu no bɛdii n’adeɛ, na ne kuro din de Hawit.

³⁶Na Hadad wui, na Samla a ɔfiri Masreka bɛdii n’adeɛ.

³⁷Na Samla wui, na Saulo a ɔfiri Rehobot a ɛda asuo no ho no bɛdii n’adeɛ.

³⁸Na Saulo wui, na Akbor ba Baal-hanan bɛdii n’adeɛ.

³⁹Na Akbor ba Baal-hanan wui, na Hadar bɛdii n’adeɛ. Na ne kuro din de Pau, na ne yere din de Mehetabel, Mesahab babaa Matred babaa.

⁴⁰Na yeinom ne Esau atitire no din, sɛdeɛ wɔn mmusuakuo, wɔn tenabea ne wɔn din teɛ: Otitire Timna, otitire Alwa, otitire Yetet,

⁴¹otitire Oholibama, otitire Ela, otitire Pinon,

⁴²otitire Kenas, otitire Teman, otitire Mibsar,

⁴³otitire Magdiel, otitire Iram. Yeinom ne Edom (a ɔne Esau, Edomfoɔ agya) no atitire, sɛdeɛ wɔn tenabea teɛ wɔ asase a wɔnyaeɛ no soɔ.