Read Twi Asante Gyenesis 46 Bible Online

Gyenesis 46 - Twi Asante bible

Gyenesis 46

¹ Na Israel ne deɛ ɔwɔ nyinaa sii mu, na ɔduruu Beer-seba, na ɔbɔɔ afɔdeɛ maa n’agya Isak Nyankopɔn.

²Na Onyankopɔn nam anadwo anisoadehunu mu ka kyerɛɛ Israel sɛ: Yakob, Yakob! Na ɔse: Menie.

³Na ɔse: Mene Onyankopɔn, w’agya Nyankopɔn no. Nsuro sɛ wobɛsiane akɔ Misraim, na mɛyɛ wo ɔman kɛseɛ wɔ hɔ.

⁴Me ne wo bɛsiane akɔ Misraim, na mede wo asane aba nso, na Yosef deɛ, ne nsa so na wo bɛwuo.

⁵Na Yakob sii mu firii Beer-seba; na Israel mma de wɔn agya Yakob ne wɔn mma ne wɔn yerenom tenatenaa nteaseɛnam a Farao soma maa wɔde kɔfaa no no mu.

⁶Na wɔfaa wɔn mmoa ne wɔn ahodeɛ a wɔanya wɔ Kanaan asase soɔ no kɔɔ Misraim, Yakob ne n’asefoɔ nyinaa,

⁷ne mmammarima ne ne mmammarima mma ne ne mmammaa ne ne mmammarima mmammaa ne n’asefoɔ nyinaa, na ɔne wɔn kɔɔ Misraim.

⁸ Na yeinom ne Israel mma a wɔkɔɔ Misraim no din, Yakob ne ne mma: Yakob abakan Ruben.

⁹Na Ruben mmammarima ne: Hanok, Palu, Hesron ne Karmi.

¹⁰Na Simeon mmammarima ne: Yemuel, Yamin, Ohad, Yakin, Sohar ne Kanaanni baa ba Saulo.

¹¹Na Lewi mmammarima ne: Gerson, Kohat ne Merari.

¹²Na Yuda mmammarima ne: Er, Onan, Sela, Peres ne Sera; (na Er ne Onan wuu Kanaan asase so.) Na Peres mmammarima ne: Hesron ne Hamul.

¹³Na Isakar mmammarima ne: Tola, Puwa, Hiob ne Simron.

¹⁴Na Sebulon mmammarima ne: Sered, Elon ne Yakleel.

¹⁵(Yeinom ne Lea mmammarima a ɔwo maa Yakob wɔ Mesopotamia ne ne babaa Dina, ne mmammarima ne ne mmammaa nyinaa yɛ akra aduasa mmiɛnsa.)

¹⁶Na Gad mmammarima ne: Sifion, Hagi, Suni, Esbon, Eri, Arodi ne Areli.

¹⁷Aser mmammarima ne: Yimna, Isua, Isui, Beria ne wɔn nuabaa Sera. Na Beria mmammarima ne: Heber ne Malkiel.

¹⁸(Yeinom ne Silpa a Laban de no maa ne babaa Lea no mma a ɔwo maa Yakob, wɔyɛ akra dunsia.)

¹⁹Yakob yere Rahel mmammarima ne: Yosef ne Benyamin.

²⁰ Na Yosef mma a On sɔfoɔ Potifera babaa Asnat wo maa no Misraim asase soɔ ne: Manase ne Efraim.

²¹Na Benyamin mmammarima ne: Bela, Beker, Asbel, Gera, Naaman, Ehi, Ros, Mupim, Hupim ne Ard.

²²(Yeinom ne Rahel mma a wɔwo maa Yakob, akra no nyinaa yɛ dunan.)

²³Na Dan babarima ne: Husim.

²⁴Na Naftali mmammarima ne: Yahseel, Guni, Yeser ne Silem.

²⁵(Yeinom ne Bilha a Laban de no maa ne ba Rahel no mma a ɔwo maa Yakob, akra no nyinaa yɛ baason).

²⁶Akra a wɔne Yakob kɔɔ Misraim a wɔfiri n’asene mu, Yakob mma yerenom mfram, akra no nyinaa yɛ aduosia nsia.

²⁷ Na Yosef mma a wɔwoo wɔn Misraim no yɛ akra baanu. Yakob fie akra a wɔbaa Misraim no nyinaa yɛ aduɔson.

²⁸ Na ɔsomaa Yuda dii n’anim kɔɔ Yosef nkyɛn sɛ ɔmmɛdi n’anim nkyerɛ no Gosen kwan. Na wɔduruu Gosen asase so.

²⁹Na Yosef siesiee ne nteaseɛnam kɔhyiaa n’agya Israel wɔ Gosen. Na ɔde ne ho kɔkyerɛɛ no no, ɔsɔɔ ne kɔn mu, na ɔsui ara kyɛree wɔ ne kɔn ho.

³⁰ Na Israel ka kyerɛɛ Yosef sɛ: Afei a manya mahunu w’anim sɛ woda so te aseɛ yi, wɔmma menti nananom wɔ asamando.

³¹Na Yosef ka kyerɛɛ ne nuanom ne n’agya fiefoɔ sɛ: Merekɔ makɔka akyerɛ Farao sɛ: Me nuanom ne m’agya fiefoɔ a wɔwɔ Kanaan asase soɔ no aba me nkyɛn.

³²Na nnipa no yɛ nnwanhwɛfoɔ, na mmoa na wɔyɛne, na wɔde wɔn nnwan ne wɔn anantwie ne deɛ wɔwɔ nyinaa aba.

³³Na sɛ Farao bɛfrɛ mo, na ɔbisa mo sɛ: Mo adwuma ne sɛn a?

³⁴ Monse no sɛ: Wo nkoa yɛ mmoahwɛfoɔ firi yɛn mmɔfraase de bɛsi nnɛ, yɛn ne yɛn nananom, na moatena Gosen asase so, ɛfiri sɛ Misraimfoɔ kyiri mmoahwɛfoɔ nyinaa.