Read Twi Asante 1 Berɛsosɛm 2 Bible Online

1 Berɛsosɛm 2 - Twi Asante bible

1 Berɛsosɛm 2

¹ Yeinom ne Israel mma: Ruben, Simeon, Lewi, Yuda, Isakar, Sebulon,

²Dan, Yosef, Benyamin, Naftali, Gad ne Aser.

³ Yuda mma ne: Er, Onan ne Sela. Baasa yi na Kanaanni Sua babaa wo maa no. Na Yuda abakan Er yɛɛ AWURADE anim bɔne, na ɔkumm no.

⁴ Na n’ase Tamar woo Peres ne Sera maa no. Na Yuda mma nyinaa yɛ baanum.

⁵ Peres mma ne: Hesron ne Hamul.

⁶Na Sera mma ne: Simri, Etan, Heman, Kalkol ne Dara, wɔn nyinaa yɛ baanum.

⁷ Na Karmi mma ne: Israel hawfoɔ Akar a ɔfom ahyiradeɛ mu no.

⁸Na Etan ba ne: Asaria.

⁹ Na Hesron mma a wɔwoo wɔn maa no ne: Yerahmeel ne Ram ne Kelubai.

¹⁰Na Ram woo Aminadab, na Aminadab woo Nahson, Yuda mma bapɔmma no,

¹¹na Nahson woo Salma, na Salma woo Boas,

¹²na Boas woo Obed, na Obed woo Yisai.

¹³ Na Yisai woo n’abakan Eliab ne Abinadab a ɔtɔ so mmienu ne Sima a ɔtɔ so mmiɛnsa,

¹⁴Netanel tɔ so nnan, Radai tɔ so nnum,

¹⁵ Osem tɔ so nsia, Dawid tɔ so nson.

¹⁶ Na wɔn nua mmaanom ne Seruia ne Abigail; na Seruia mma ne Abisai, Yoab ne Asa-el. Wɔyɛ baasa.

¹⁷ Na Abigail woo Amasa, na Amasa n’agya ne Ismaelni Yeter.

¹⁸ Na Hesron ba Kaleb ne ne yere Asuba, ne Yeriot woe; na ne mma nie: Yeser, Sobab ne Ardon.

¹⁹ Na Asuba wui, na Kaleb faa Efrat waree, na ɔwoo Hur maa no.

²⁰ Na Hur woo Uri, na Uri woo Besalel.

²¹Na akyire yi no Hesron kɔɔ Makir a ɔyɛ Gilead n’agya babaa ho, na ɔwaree no, nso na wadi mfirinhyia aduosia, na ɔwoo Segub maa no,

²² na Segub woo Yair, ɔno na Gilead asase so nkuro aduonu mmiɛnsa yɛɛ ne dea.

²³ Na Gesur ne Aram gyee Yair atenaeɛ no firii wɔn nsam, Kenat ne ɛho nkurowa, ɛyɛ nkuro aduosia. Yeinom nyinaa yɛ Gilead n’agya Makir mma.

²⁴ Na Hesron wuu wɔ Kaleb-Efrata akyiri no, Hesron yere Abia woo Ashur a ɔyɛ Tekoa n’agya maa no.

²⁵ Na Hesron abakan Yerahmeel mma ne: Abakan Ram, Buna, Oren Osem ne Ahia.

²⁶Na Yerahmeel wɔ yere foforɔ bi a ne din de Atara, ɔne Onam ne na.

²⁷Na Yerahmeel abakan Ram mma ne: Maas, Yamin ne Eker.

²⁸Na Onam mma ne: Samai ne Yada. Na Samai mma ne: Nadab ne Abisur.

²⁹Na Abisur yere din de Abihail, na ɔwoo Ahban ne Molid maa no.

³⁰Na Nadab mma ne: Seled ne Apaim, na Seled wui a wannya mma.

³¹Na Apaim ba ne: Yisi. Na Yisi ba ne: Sesan. Na Sesan ba ne: Ahlai.

³²Na Samai nua Yada mma ne: Yeter ne Yonatan. Na Yeter wui a wannya mma.

³³Na Yonatan mma ne: Pelet ne Sasa. Yeinom ne Yerahmeel mma.

³⁴Na Sesan nni mmammarima gye sɛ mmammaa. Na Sesan wɔ akoa Misraimni bi a ne din de Yarha.

³⁵Na Sesan de ne babaa maa n’akoa Yarha awareɛ, na ɔwoo Atai maa no.

³⁶Na Atai woo Natan, na Natan woo Sabad.

³⁷Na Sabad woo Eflal, na Eflal woo Obed,

³⁸na Obed woo Yehu, na Yehu woo Asaria,

³⁹na Asaria woo Heles, na Heles woo Eleasa,

⁴⁰na Eleasa woo Sisemai, na Sisemai woo Salum,

⁴¹na Salum woo Yekamia, na Yekamia woo Elisama.

⁴² Na Yerahmeel nua Kaleb mma ne: N’abakan Mesa a ɔne Sif agya ne Hebron agya Maresa mma.

⁴³Na Hebron mma ne: Kora ne Tapua ne Rekem ne Sema.

⁴⁴Na Sema woo Raham, Yorkeam agya. Na Rekem woo Samai.

⁴⁵Na Samai ba ne Maon. Na Maon yɛ Bet-sur agya.

⁴⁶Na Kaleb mpena Efa woo Haran ne Mosa ne Gases. Na Haran woo Gases.

⁴⁷Na Yahdai mma ne: Regem ne Yotam ne Gesan ne Pelet ne Efa ne Saaf.

⁴⁸Na Kaleb mpena Maaka woo Seber ne Tirhana,

⁴⁹ na ɔwoo Saaf a ɔyɛ Madmana n’agya, Sewa a ɔyɛ Makbena n’agya, ne Gibea n’agya. Na Kaleb babaa ne Aksa.

⁵⁰ Yeinom ne Kaleb mma. Efrata abakan Hur mma ne: Sobal, Kiriat-yearim a ɔyɛ n’agya,

⁵¹Salma a ɔyɛ Betlehem n’agya, Haref a ɔyɛ Bet-gader n’agya.

⁵²Na Sobal a ɔyɛ Kiriat-yearim n’agya wɔ mma, wɔne Haroe ne Menuhotfoɔ wɔ afa.

⁵³ Na Kiriat-yearim mmusua ne Yitrifoɔ ne Putifoɔ ne Sumatifoɔ ne Misraimfoɔ deɛ no, yeinom mu na Sorafoɔ ne Estaolfoɔ fire.

⁵⁴ Salma mma ne: Betlehem ne Netofafoɔ Atrot-bet-yoab ne Manahatfoɔ fa ne Sorifoɔ no

⁵⁵ ne atwerɛfoɔ mmusua a wɔte Yabes no: Tirafoɔ, Simeafoɔ, Sukafoɔ. Wɔne Kinifoɔ a wɔyɛ Hamat a ɔyɛ Rekab fie agya no asefoɔ.