Read Twi Asante 1 Berɛsosɛm 25 Bible Online

1 Berɛsosɛm 25 - Twi Asante bible

1 Berɛsosɛm 25

¹ Nso Dawid ne ɛdom so asafohene no yiyii Asaf ne Heman ne Yedutun mma no mu wɔn a wɔmfa nsankutene ne mmɛnta ne nnawuro so nsom, nhyɛ nkɔm. Na nnipa a na wɔyɛ adwuma no sɛdeɛ wɔn som ne wɔn dodoɔ teɛ nie:

²Asaf mma mu: Sakur, Yosef, Netania ne Asarela, Asaf mma a wɔhyɛ Asaf aseɛ, ɔno na sɛ ɔhene bisa a ɔhyɛ nkɔm.

³Yedutun deɛ: Yedutun mma ne: Gedalia, Seri, Yesaia ne Simei, Hasabia ne Matitia, baasia no hyɛ wɔn agya Yedutun ase, ɔno na ɔkura sankuten, hyɛ nkɔm, de aseda ne ayeyie ma AWURADE.

⁴Heman deɛ: Heman mma ne: Bukia, Matania, Usiel, Sebuel ne Yerimot, Hanania, Hanani, Eliata, Gidalti ne Romamti-eser, Yosbekasa, Maloti, Hotir, Mahasiot.

⁵ Yeinom nyinaa ne ɔhene dehunufoɔ Heman mma sɛdeɛ Onyankopɔn hyɛɛ no bɔ sɛ ɔbɛma no soɔ no; ɛfiri sɛ Onyankopɔn maa Heman mmammarima dunan ne mmammaa baasa.

⁶Yeinom nyinaa hyɛ wɔn agyanom ase AWURADE fie dwontoɔ no mu, kurakura nnawuro, mmɛnta ne nsankutene som Nyankopɔn fie. Asafo ne Yedutun ne Heman hyɛ ɔhene ase.

⁷Na wɔne wɔn nuanom a wɔakyerɛ wɔn AWURADE dwontoɔ no, a wɔawedare mu no ano si ahanu aduɔwɔtwe nwɔtwe.

⁸ Na wɔtwee ɔhwɛ adwuma no so ntonto pɛ maa wɔn mu nkumaa ne akɛseɛ, animdefoɔ ne asuafoɔ.

⁹Na ntonto a ɛdi kan no firi maa Asaf de maa Yosef. Gedalia deɛ tɔ so mmienu, ɔne ne nuanom ne ne mma yɛ dummienu.

¹⁰Deɛ ɔtɔ so mmiɛnsa ne: Sakur, ne mma ne ne nuanom, wɔyɛ dummienu.

¹¹Deɛ ɔtɔ so nnan no firi maa Yisri, ne mma ne ne nuanom, wɔyɛ dummienu.

¹²Deɛ ɔtɔ so nnum ne: Netania, ne mma ne ne nuanom, wɔyɛ dummienu.

¹³Deɛ ɔtɔ so nsia ne: Bukia ne mma ne ne nuanom, wɔyɛ dummienu.

¹⁴Deɛ ɔtɔ so nson ne: Yesarela, ne mma ne ne nuanom, wɔyɛ dummienu.

¹⁵Deɛ ɔtɔ so nwɔtwe ne: Yesaia, ne mma ne ne nuanom, wɔyɛ dummienu.

¹⁶Deɛ ɔtɔ so nkron ne: Matania, ne mma ne ne nuanom, wɔyɛ dummienu.

¹⁷Deɛ ɔtɔ so du ne: Simei, ne mma ne ne nuanom, wɔyɛ dummienu.

¹⁸Deɛ ɔtɔ so dubaako ne: Asarel, ne mma ne ne nuanom, wɔyɛ dummienu.

¹⁹Deɛ ɔtɔ so dummienu ne: Hasabia, ne mma ne ne nuanom, wɔyɛ dummienu.

²⁰Deɛ ɔtɔ so dummiɛnsa ne: Subael, ne mma ne ne nuanom, wɔyɛ dummienu.

²¹Deɛ ɔtɔ so dunan ne: Matitia, ne mma ne ne nuanom, wɔyɛ dummienu.

²²Deɛ ɔtɔ so dunum ne: Yeremot, ne mma ne ne nuanom, wɔyɛ dummienu.

²³Deɛ ɔtɔ so dunsia ne: Hanania, ne mma ne ne nuanom, wɔyɛ dummienu.

²⁴Deɛ ɔtɔ so dunson ne: Yosbekasa, ne mma ne ne nuanom, wɔyɛ dummienu.

²⁵Deɛ ɔtɔ so dunwɔtwe ne: Hanani, ne mma ne ne nuanom, wɔyɛ dummienu.

²⁶Deɛ ɔtɔ so dunkron ne: Maloti, ne mma ne ne nuanom, wɔyɛ dummienu.

²⁷Deɛ ɔtɔ so aduonu ne: Eliata, ne mma ne ne nuanom, wɔyɛ dummienu.

²⁸Deɛ ɔtɔ so aduonu baako ne: Hotir, ne mma ne ne nuanom, wɔyɛ dummienu.

²⁹Deɛ ɔtɔ so aduonu mmienu ne: Gidalti, ne mma ne ne nuanom, wɔyɛ dummienu.

³⁰Deɛ ɔtɔ so aduonu mmiɛnsa ne: Mahasiot, ne mma ne ne nuanom, wɔyɛ dummienu.

³¹Deɛ ɔtɔ so aduonu nnan ne: Romamti-eser, ne mma ne ne nuanom, wɔyɛ dummienu.