Read Twi Asante 1 Berɛsosɛm 4 Bible Online

1 Berɛsosɛm 4 - Twi Asante bible

1 Berɛsosɛm 4

¹ Yuda mma ne: Peres, Hesron, Karmi, Hur ne Sobal.

² Na Sobal ba Reaia woo Yahat, na Yahat woo Ahumai ne Lahad, yeinom ne Sorafoɔ mmusua.

³Na yeinom ne Etam agya deɛ: Yesreel ne Yisma ne Yidbas, na wɔn nua din de Haslelponi;

⁴ ne Penuel a ɔyɛ Gedor agya ne Eser a ɔyɛ Husa agya, yeinom ne Betlehem agya Efrata abakan Hur mma.

⁵Na Ashur a ɔyɛ Tekoa agya wɔ yerenom baanu, Hela ne Naara.

⁶Na Naara woo Ahusam, Hefer, Temeni ne Ahastari maa no. Yeinom ne Naara mma.

⁷Na Hela mma ne: Seret, Yesohar ne Etnan.

⁸Na Kos woo Anub, Sobeba ne Aharhel Harum ba mmusua.

⁹Na Yabes nyaa animuonyam sene ne nuanom; na ne na too no din Yabes, ɛfiri sɛ ɔkaa sɛ: Mede yea na ɛwoo no.

¹⁰ Na Yabes frɛɛ Israel Nyankopɔn sɛ: Sɛ anka worehyira me na woatrɛ me hyeɛ mu na wo nsa adi m’akyi na woamma bɔne bi ammɛyɛ me na yea bi ammɛka me ɛ! Na Onyankopɔn maa deɛ ɔsrɛɛ no baa mu.

¹¹Na Kelub, Suha nua, woo Mehir a ɔne Eston agya.

¹²Na Eston woo Bet-rafa, Pasea ne Tehina, Ir-Nahas agya; yeinom ne Reka nkurɔfoɔ.

¹³ Na Kenas mma ne: Otniel ne Seraia; na Otniel mma ne: Hatat.

¹⁴Na Meonotai woo Ofra. Na Seraia woo Yoab, Ge-harasim[1] agya, ɛfiri sɛ na wɔyɛ adwumfoɔ.

¹⁵ Na Yefune ba Kaleb mma ne: Iru, Ela ne Naam; na Ela ba ne: Kenas.

¹⁶Na Yehalelel mma ne: Sif ne Sifa, Tiria ne Asarel.

¹⁷Na Esra mma ne: Yeter, Mered, Efer ne Yalon; na Mered yere woo Miriam, Samai ne Yisba a na ɔyɛ Estemoa agya.

¹⁸Na ne yere a ɔyɛ Yudani woo Yered a ɔyɛ Gedor agya ne Heber a ɔyɛ Soko agya ne Yekutiel a ɔyɛ Sanoa agya. Na yeinom ne Farao babaa Bitia a Mered waree no no mma.

¹⁹Na Hodia yere a ɔyɛ Naham nuabaa mma ne: Garmini Keila agya ne Maakani Estemoa agya.

²⁰Na Simon mma ne: Amnon ne Rina, Ben-hanan ne Tilon. Na Yisi mma ne: Sohet ne Ben-sohet.

²¹ Yuda ba Sela mma nie: Er a ɔyɛ Leka agya ne Lada a ɔyɛ Maresa agya ne Bet-asbea nwera adwumfoɔ mmusua,

²²ne Yokim ne Koseba mmarima ne Yoas ne Saraf a wɔyɛ efiewuranom, Moab ne Yasubi-Lehem; (na nsɛm yi yɛ adada).

²³Wɔn ne nkukunwomfoɔ ne wɔn a wɔte Netaim ne Gedera wɔ ɔhene nkyɛn, n’adwumam hɔ na wɔteɛ.

²⁴ Simeon mma ne: Nemuel ne Yamin, Yarib, Sera ne Saulo;

²⁵ne ba Salum, ne ba Mibsam, ne ba Misma.

²⁶Na Misma mma ne: Ne ba Hamuel, ne ba Sakur, ne ba Simei.

²⁷Na Simei wɔ mmammarima dunsia ne mmabaa nsia; na ne nuanom nni mma bebree, na wɔn abusua nyinaa ase ankyene sɛ Yuda mma.

²⁸ Na wɔtenaa Beer-seba, Molada, Hasar-saulo,

²⁹Bilha, Esem, Tolad,

³⁰Betuel, Horma, Siklag,

³¹Bet-markabot, Hasar-susim, Bet-biri ne Saaraim. Yeinom ne wɔn nkuro bɛduruu Dawid ahennie so.

³²Na wɔn nkuraa ne Etam, Ain, Rimon, Token ne Asan, nkuro nnum,

³³ne wɔn nkuraa a ɛwowɔ nkuro yi nyinaa ho de kɔsii Baal. Yei ne wɔn tenabea ahodoɔ ne wɔn mmusua nkaneeɛ.

³⁴Na Mesobab, Yamlek, Amasia ba Yosa,

³⁵Yoel ne Asiel ba Seraia ba Yosibia ba Yehu,

³⁶ne Elioenai, Yaakoba, Yesohaia, Asaia, Adiel, Yesimiel, Benaia,

³⁷ne Semaia ba, Simri ba, Yedaia ba, Alon ba, Sifi ba Sisa,

³⁸yeinom a wɔabobɔ wɔn din yi yɛ wɔn mmusua mu mmapɔmma, na wɔn mpanimfie trɛɛ pii pa ara.

³⁹Na wɔsii mu kɔɔ deɛ wɔnam kɔ Gedor, bonhwa no apueeɛ fam sɛ wɔrekɔhwehwɛ adidibea ama wɔn nnwan.

⁴⁰ Na wɔhunuu adidibea frɔmfrɔm a ɛyɛ, na asase no mu trɛ tɛtrɛɛ, na ɛso dwo komm; na wɔn a wɔtete hɔ kane no firi Ham.

⁴¹ Ɛnna yeinom a wɔatwerɛ wɔn din no kɔeɛ, Yudahene Hesekia berɛ so, kɔtoaa Maonfoɔ a wɔhunuu wɔn hɔ no ne wɔn ntomadan, na wɔsɛee wɔn pasapasa de bɛsi nnɛ, na wɔtenatenaa wɔn ananmu, ɛfiri sɛ na adidibea wɔ hɔ ma wɔn nnwan.

⁴²Na Simeon mma no ara mu mmarima ahanum firii wɔn mu sii mu kɔɔ Seir bepɔ so, na Pelatia ne Nearia ne Refaia ne Usiel a wɔyɛ Yisi mma di wɔn anim.

⁴³ Na wɔkɔkunkum Amalek adwanefoɔ no nkaeɛ, na wɔtenaa hɔ de bɛsi nnɛ.