Read Twi Asante 1 Berɛsosɛm 6 Bible Online

1 Berɛsosɛm 6 - Twi Asante bible

1 Berɛsosɛm 6

¹ Lewi mma ne: Gerson, Kehat ne Merari.

²Na Kehat mma ne: Amram, Yishar ne Hebron ne Usiel.

³ Na Amram mma ne: Aaron, Mose ne Miriam. Na Aaron mma ne: Nadab, Abihu, Eleasa ne Itamar.

⁴Eleasa woo Pinehas. Pinehas woo Abisua,

⁵na Abisua woo Buki, na Buki woo Usi,

⁶na Usi woo Seraia, na Seraia woo Meraiot.

⁷Meraiot woo Amaria, na Amaria woo Ahitub,

⁸ na Ahitub woo Sadok, na Sadok woo Ahimaas,

⁹na Ahimaas woo Asaria, na Asaria woo Yohanan,

¹⁰na Yohanan woo Asaria. (Ɔno na ɔdii sɔfoɔ wɔ asɔredan a Salomo sii no Yerusalem no mu).

¹¹Na Asaria woo Amaria, na Amaria woo Ahitub,

¹²na Ahitub woo Sadok, na Sadok woo Salum,

¹³ na Salum woo Hilkia, na Hilkia woo Asaria,

¹⁴ na Asaria woo Seraia, na Seraia woo Yehosadak.

¹⁵ Na Yehosadak deɛ, AWURADE maa Nebukadnessar so maa no bɛtuu Yuda ne Yerusalem kɔeɛ no, ɔkɔɔ bi.

¹⁶ Lewi mma: Gersom, Kehat ne Merari.

¹⁷Na yeinom ne Gersom mma din: Libni ne Simei.

¹⁸Na Kehat mma ne: Amram, Yishar, Hebron ne Usiel.

¹⁹Merari mma ne: Mahli ne Musi. Na yeinom ne Lewifoɔ mmusua, sɛdeɛ wɔn agyanom teɛ no:

²⁰Gersom deɛ ne: Libni, Yahat, Sima,

²¹Yoa, Ido, Sera, ne Yeaterai.

²² Kehat deɛ ne: Aminadab, Kora, Asir,

²³Elkana ne ne ba, Ebiasaf ne ne ba Asir,

²⁴ne ba Tahat, ne ba Uriel, ne ba Usia ne ne ba Saulo.

²⁵Na Elkana mma ne: Amasai ne Ahimot,

²⁶ne ba Elkana, ne ba Elkana-sofai ne ne ba Nahat,

²⁷ ne ba Eliab, ne ba Yeroham, ne ba Elkana.

²⁸ Na Samuel mma ne: Abakan Yoel, ne Abiya deɛ ɔtɔ so mmienu.

²⁹Merari deɛ ne: Mahli, ne ba Libni, ne ba Simei, ne ba Usa,

³⁰ne ba Sima, ne ba Hagia, ne ba Asaia.

³¹Na yeinom ne wɔn a Dawid de sisii AWURADE fie dwontoɔ som soɔ, firi berɛ a adaka no nyaa ahomeeɛ no,

³²na wɔyeyɛɛ dwom mu asomfo ahyiaeɛ ntomadan no tenabea no anim de kɔsii sɛ Salomo sii AWURADE fie no Yerusalem, na wɔgyinagyinaa wɔn afa wɔn som no mu.

³³ Na yeinom ne wɔn a wɔgyinaa hɔ ne wɔn mma no: Kehat mma no mu: Ɔdwontoni Heman, Yoel ba, Samuel ba,

³⁴Elkana ba, Yeroham ba, Eliel ba, Yoa ba,

³⁵Suf ba, Elkana ba, Mahat ba, Amasai ba,

³⁶Elkana ba, Yoel ba, Asaria ba, Sefania ba,

³⁷Tahat ba, Asir ba, Ebiasaf ba, Kora ba,

³⁸Yishar ba, Kehat ba, Lewi ba, Israel ba,

³⁹ ne ne nua Asaf a ɔgyina ne nifa soɔ, Asaf, Berekia ba, Simea ba,

⁴⁰Mikael ba, Baaseia ba, Malkia ba,

⁴¹Etni ba, Sera ba, Adaia ba,

⁴²Etan ba, Simma ba, Simei ba,

⁴³Yahat ba, Gersom ba, Lewi ba,

⁴⁴ ne wɔn nuanom Merari mma a wɔgyinagyina benkum soɔ: Etan, Kisi ba, Abdi ba, Maluk ba,

⁴⁵Hasabia ba, Amasia ba, Hilkia ba,

⁴⁶Amsi ba, Bani ba, Samer ba,

⁴⁷Mahli ba, Musi ba, Merari ba, Lewi ba.

⁴⁸Na wɔn nuanom, Lewifoɔ no, wɔde wɔn maa Nyankopɔn fie tenabea no som nyinaa.

⁴⁹ Na Aaron ne ne mma ne wɔn a wɔhye afɔdeɛ, ɔhyeɛ afɔrebukyia ne aduhwam hyeɛbukyia no soɔ, wɔyɛ kronkronbea adwuma no nyinaa, na wɔpata ma Israel sɛdeɛ Nyankopɔn akoa Mose hyɛeɛ no ara.

⁵⁰ Na yeinom ne Aaron mma: Ne ba Eleasa, ne ba Pinehas, ne ba Abisua,

⁵¹ne ba Buki, ne ba Usi, ne ba Seraia,

⁵²ne ba Meraiot, ne ba Amaria, ne ba Ahitub,

⁵³ne ba Sadok, ne ba Ahimaas.

⁵⁴ Na yeinom ne wɔn tenabea ahodoɔ sɛdeɛ wɔn nkuro a afasuo atwa ho ahyia no teɛ, wɔn ahyeɛ mu: Aaron mma, Kohatfoɔ abusua no nyaa wɔn ntonto kyɛfa,

⁵⁵na wɔmaa wɔn Hebron, Yuda asase so ne ɛho mmoa adidibea nsase a ɛtwa ho hyia;

⁵⁶na kuro no ho mfuo ne ɛho nkuraa no deɛ, wɔde maa Yefune ba Kaleb.

⁵⁷Na wɔmaa Aaron mma, Yuda nkuro, dwanekɔbea kuro Hebron, Libna ne ɛho mmoa adidibea nsase, Yatir, Estemoa ne ɛho asase,

⁵⁸Hilen ne ɛho asase, Debir ne ɛho asase,

⁵⁹Asan ne ɛho asase ne Bet-semes ne ɛho asase.

⁶⁰Na Benyamin abusuakuo mu nso: Geba ne ɛho mmoa adidibea nsase, Alemet ne ɛho asase ne Anatot ne ɛho asase. Wɔn nkuro nyinaa yɛ dummiɛnsa wɔn mmusua no mu.

⁶¹ Na Kehat mma nkaeɛ, abusuakuo no abusua mu no, wɔde ntonto maa wɔn nkuro du firi Manase abusuakuo fa no mu.

⁶² Na Gersom mma, sɛdeɛ wɔn mmusua teɛ no, wɔde Isakar abusuakuo ne Aser abusuakuo ne Naftali abusuakuo ne Manase abusuakuo a ɛwɔ Basan no mu nkuro dummiɛnsa maa wɔn.

⁶³ Merari mma, sɛdeɛ wɔn mmusua teɛ no, wɔde ntonto yii Ruben abusuakuo ne Gad abusuakuo ne Sebulon abusuakuo mu nkuro dummienu maa wɔn.

⁶⁴Na Israelfoɔ no de nkuro no ne ɛho mmoa adidibea nsase memaa Lewifoɔ no,

⁶⁵ na wɔde ntonto yiyii Yuda mma abusuakuo ne Simeon mma abusuakuo ne Benyamin mma abusuakuo mu nkuro a wɔabobɔ din yi.

⁶⁶Na Kehat mma mmusua no hyeɛ so nkuro wɔ Efraim abusuakuo mu,

⁶⁷na wɔmaa wɔn nkuro, dwanekɔbea kuro Sekem ne ɛho mmoa adidibea nsase, Efraim bepɔ so ne Geser ne ɛho asase,

⁶⁸Yokmeam ne ɛho asase, Bet-horon ne ɛho asase,

⁶⁹Ayalon ne ɛho asase, ne Gat-Rimon ne ɛho asase;

⁷⁰ne Manase abusuakuo fa no mu: Aner ne ɛho mmoa adidibea nsase ne Bileam ne ɛho asase wɔde maa Kehat mma a wɔkaeɛ no abusua.

⁷¹Na wɔde Golan a ɛwɔ Basan ne ɛho mmoa adidibea nsase, ne Astarot ne ɛho asase a ɛwɔ Manase abusuakuo fa no abusua mu no maa Gerson mma;

⁷²ne Isakar abusuakuo mu: Kedes ne ɛho mmoa adidibea nsase, Daberat ne ɛho asase;

⁷³Ramot ne ɛho asase ne Anem ne ɛho asase;

⁷⁴ne Aser abusuakuo mu: Masal ne ɛho mmoa adidibea nsase ne Abdon ne ɛho asase,

⁷⁵Hukok ne ɛho asase ne Rehob ne ɛho asase;

⁷⁶ne Naftali abusuakuo mu: Kedes a ɛwɔ Galilea ne ɛho mmoa adidibea nsase ne Hamon ne ɛho asase ne Kiriataim ne ɛho asase.

⁷⁷Na wɔde Rimono ne ɛho mmoa adidibea nsase, ne Tabor ne ɛho asase a ɛwɔ Sebulon abusuakuo mu no maa Merari mma nkaeɛ;

⁷⁸ne Yordan, Yeriko agya nso, Yordan apueeɛ fam, Ruben abusuakuo mu: Beser wɔ ɛserɛ so ne ɛho mmoa adidibea nsase ne Yahsa ne ɛho asase

⁷⁹ne Kedemot ne ɛho asase ne Mefaat ne ɛho asase.

⁸⁰Ne Gad abusuakuo mu: Ramot a ɛwɔ Gilead ne ɛho mmoa adidibea nsase ne Mahanaim ne ɛho asase,

⁸¹ne Hesbon ne ɛho asase ne Yaser ne ɛho mmoa adidibea nsase.