Read Twi Asante 1 Berɛsosɛm 7 Bible Online

1 Berɛsosɛm 7 - Twi Asante bible

1 Berɛsosɛm 7

¹ Na Isakar mma ne: Tola, Pua, Yasub ne Simron, wɔyɛ baanan.

²Na Tola mma ne: Usi, Refaia, Yeriel, Yahmai, Yibsam ne Semuel, wɔn na wɔyɛ Tola mpanimfie atitire, mmarima akofoɔ, wɔn awoɔ ntoatoasoɔ mu. Dawid berɛ so na wɔn dodoɔ yɛ mpem aduonu mmienu ne ahansia.

³Na Usi mma ne: Yisrahia. Na Yisrahia mma ne: Mikael, Obadia ne Yoel, Yisia, wɔn baanum nyinaa yɛ atitire.

⁴Na wɔn a wɔka wɔn ho, sɛdeɛ wɔn awoɔ ntoatoasoɔ ne wɔn mpanimfie teɛ no, akodie dɔm asafo, yɛ mmarima mpem aduasa nsia; na wɔwɔ yerenom ne mma pii.

⁵Na wɔn nuanom a wɔfiri Isakar mmusua nyinaa mu no nyinaa yɛ mmarima akofoɔ mpemaduɔwɔtwe nson a wɔkan wɔn sɛdeɛ wɔn awoɔ ntoatoasoɔ teɛ no.

⁶ Benyamin deɛ: Bela, Beker ne Yediael, wɔyɛ baasa.

⁷Na Bela mma ne: Esbon, Usi, Usiel, Yerimot ne Iri, wɔyɛ baanum, wɔn mpanimfie so atitire, mmarima akofoɔ; wɔn dodoɔ yɛ mpemaduonu mmienu ne aduasa nnan.

⁸Na Beker mma ne: Semira, Yoas, Eliesa, Elioenai, Omri, Yeremot, Abia, Anatot ne Alamet. Yeinom nyinaa yɛ Beker mma.

⁹Na wɔn dodoɔ, sɛdeɛ wɔn mmusua ne wɔn mpanimfie atitire teɛ, yɛ mmarima akofoɔ mpemaduonu ne ahanu.

¹⁰Na Yediael mma ne: Bilhan. Na Bilhan mma ne: Yeus, Benyamin, Ehud, Kenaana, Setan, Tarsis ne Ahisahar.

¹¹Yeinom nyinaa yɛ Yediael mma, sɛ wɔn agyanom atitire teɛ, mmarima akofoɔ mpemdunson ne ahanu, nnipa a wɔtumi kɔ ɔsa.

¹²Na Supim ne Hupim yɛ Ir mma. Husim yɛ Aher mma.

¹³ Naftali mma ne: Yahsiel, Guni, Yeser ne Salum, Bilha mma.

¹⁴ Manase mma ne: Asriel a ne mpena woo no maa no. Na ne mpena Aramni woo Makir a ɔyɛ Gilead agya. Na Makir waree Hupim ne Supim nuabaa a ne din de Maaka.

¹⁵ Na ne babarima a ɔtɔ so mmienu din de Selofehad; na Selofehad nyaa mmammaa.

¹⁶Na Makir yere Maaka woo ɔbabarima a ɔtoo no din Peres, na ne nua din de Seres. Na ne mma ne: Ulam ne Rakem.

¹⁷Na Ulam mma ne: Bedan. Yeinom ne Manase ba Makir ba Gilead mma.

¹⁸Na ne nuabaa Moleket woo Isod ne Abi-eser ne Mahla.

¹⁹Na Semida mma ne: Ahian, Sekem, Likhi ne Aniam.

²⁰ Na Efraim mma ne: Sutela ne Bered, ne ba, ne Tahat, ne ba, ne Elada, ne ba, ne Tahat, ne ba,

²¹ne Sabad, ne ba, ne Sutela, ne ba, ne Eser ne Elad. Na Gad mmarima a wɔwoo wɔn asase no soɔ no kumm wɔn, ɛfiri sɛ wɔsiane kɔɔ sɛ wɔrekɔfa wɔn mmoakuo akɔ.

²²Na wɔn agya Efraim gyam wɔn nna pii, na ne nuanom ba bɛkyekyeree ne werɛ.

²³Na ɔne ne yere daeɛ, na ɔnyinsɛnee, na ɔwoo ɔbabarima, na ɔtoo no din Beria, ɛfiri sɛ adebɔne na ɛbaa ne fie.

²⁴Na ne babaa ne Seera a ɔkyekyeree anafoɔ ne atifi Bet-horon ne Usen-seera.

²⁵Na ne ba ne Refa ne Resef, ne ba Tela, ne ba Tahan,

²⁶ ne ba Ladan, ne ba Amihud, ne ba Elisama,

²⁷ ne ba Nun, ne ba Yosua.

²⁸ Na wɔn agyapadeɛ ne wɔn tenabea ne Betel ne ɛho nkurowa, ne apueeɛ fam Naaran ne atɔeɛ fam Geser ne ɛho nkurowa ne Sekem ne ɛho nkurowa kɔduru Asa ne ɛho nkurowa.

²⁹ Na Manase mma nkyɛn mu bi wowɔ Bet-sean ne ɛho nkurowa, Taanak ne ɛho nkurowa, Megido ne ɛho nkurowa, Dor ne ɛho nkurowa. Yeinom mu na Israel ba Yosef mma teɛ.

³⁰ Aser mma ne: Yimna, Yiswa, Yiswi, Beria ne wɔn nuabaa Sera.

³¹Na Beria mma ne: Heber ne Malkiel, ɔne Birsait agya.

³²Na Heber woo Yaflet, Somer, Hotam ne wɔn nuabaa Sua.

³³Na Yaflet mma ne: Pasak, Bimhal ne Aswat. Yeinom ne Yaflet mma.

³⁴Na Semer mma ne: Ahi ne Rohga, Yehuba ne Aram.

³⁵Na ne nua Helem mma ne Sofa, Yimna, Seles ne Amal.

³⁶Sofa mma ne: Suah, Harnefer, Saulo, Beri ne Yimra;

³⁷Beser, Hod, Sama, Silsa, Yitran ne Beera.

³⁸Na Yeter mma ne: Yefune, Pispa ne Ara.

³⁹Na Ula mma ne: Arah, Haniel ne Risia.

⁴⁰Yeinom nyinaa yɛ Aser mma mpanimfie so atitire, mmarima akofoɔ a wɔayi wɔn, mmapɔmma mu atitire; na wɔn a wɔkan wɔn maa ɔsakorɔ sɛdeɛ wɔn awoɔ ntoatoasoɔ teɛ no yɛ mmarima mpemaduonu nsia.