Read Twi Asante 2 Berɛsosɛm 26 Bible Online

2 Berɛsosɛm 26 - Twi Asante bible

2 Berɛsosɛm 26

¹ Na Yuda man no nyinaa faa Usia, na wadi mfirinhyia dunsia, na wɔsii no hene n’agya Amasia ananmu.

²Ɔno na ɔkyekyeree Elot, na ɔdane maa Yuda, akyire yi a ɔhene no tii n’agyanom wɔ asamando.

³Usia dii mfeɛ dunsia na ɔbɛdii hene, na ɔdii hene mfeɛ aduonum mmienu wɔ Yerusalem. Na ne na din de Yekalia a ɔfiri Yerusalem.

⁴ Na ɔyɛɛ deɛ ɛtene AWURADE ani so, sɛdeɛ n’agya Amasia yɛeɛ no ara.

⁵Na ɔhwehwɛɛ Onyankopɔn nna a Sakaria a ɔyɛ Nyankopɔn adehunu mu nhunumufoɔ no wɔ hɔ no nyinaa, na nna nso a ɔhwehwɛɛ AWURADE no, Onyankopɔn maa no dii yie.

⁶Na ɔfirii adi ne Filistifoɔ kɔkoe, na ɔbubuu Gat fasuo ne Yabne fasuo ne Asdod fasuo, na ɔkyekyeree nkuro Asdod ho ne Filistifoɔ no mu.

⁷Na Onyankopɔn boaa no tiaa Filistifoɔ ne Arabfoɔ a na wɔtete Gur-baal, ne Meunifoɔ no.

⁸Na Amonfoɔ de apeatoɔ brɛɛ Usia, na ne din hyeta kɔduruu Misraim, na ne ho yɛɛ den kɔɔ so pa ara.

⁹Na Usia totoo aban atentene wɔ Yerusalem, ntweaso pono no so, ne bonhwa pono no so ne emu fam ntweaso no so, na ɔhyehyɛɛ no den.

¹⁰Na ɔtotoo aban atentene nso ɛserɛ so, na ɔtutuu mmura pii, ɛfiri sɛ na ɔwɔ mmoakuo bebree mpaperɛ ne asaseta so. Ɔwɔ akuafoɔ ne bobeturoyɛfoɔ, mmepɔ so ne Karmel so, ɛfiri sɛ na ɔpɛ kua.

¹¹Na Usia wɔ dɔm a wɔdi ako a wɔtu sa asafo soɔ, sɛdeɛ wɔn nkaneeɛ a wɔnam Ɔtwerɛfoɔ Yeiel ne Ɔpanin Maaseia so kan wɔn no ano teɛ, wɔn nso na wɔhyɛ Hanania a ɔfiri ɔhene asafohene no mu no aseɛ.

¹²Agyanom atitire a wɔwɔ mmarima akofoɔ no mu no nyinaa ano si mpennu ahansia.

¹³Na ɛdɔm a ɛhyɛ wɔn aseɛ a wɔtumi wɔn ho ano si mpemahasa ne mpemnson ahanum, akofoɔ a wɔwɔ tumi ne ahoɔden de boa ɔhene tia atamfoɔ.

¹⁴Wɔn na Usia siesiee akyɛm, mpea, nnadeɛkyɛ, nkataboɔ, ntadua ne ntɔmmoɔ maa wɔn, sɛ wɔmfa mma dɔm no nyinaa.

¹⁵Na ɔyɛɛ adetoɔ mfidie a ɛyɛ adwumfoɔ adwini wɔ Yerusalem, sɛ ɛnsisi aban atentene so ne afasuo ntweaso, na wɔmfa ntoto agyan ne aboɔ akɛseɛ. Na ne din hyeta kɔɔ akyirikyiri pa ara, na ɔnyaa mmoa a ɛyɛ nwanwa kɔsii sɛ ne ho yɛɛ den.

¹⁶ Na ne ho yɛɛ den no, ɔyɛɛ ahantan na ɔbɔɔ brafunu, na ɔfomm AWURADE ne Nyankopɔn, na ɔhyɛnee AWURADE asɔredan mu sɛ ɔrekɔhye aduhwam aduhwamhyeɛbukyia no so.

¹⁷Na Ɔsɔfoɔ Asaria dii n’akyi, na AWURADE asɔfoɔ aduɔwɔtwe, nnipa a wɔtumi wɔn ho ka ne ho.

¹⁸ Na wɔkɔgyinae ne Ɔhene Usia dii asie, na wɔka kyerɛɛ no sɛ: Usia, ɛnyɛ wo deɛ sɛ wobɛhye aduhwam ama AWURADE, na ɛyɛ asɔfoɔ, Aaron mma a wɔayɛ wɔn kronkron sɛ wɔnhye aduhwam no dea. Firi adi firi kronkronbea ha yi, na woafom, na w’anim nyɛ nyam AWURADE Nyankopɔn anim.

¹⁹Na Usia bo fui, na aduhwamhyeɛ adeɛ no kura ne nsam sɛ ɔde rebɛhye aduhwam no. Na ɔfaa asɔfoɔ no ho abufuo no, kwata fifirii ne moma so, asɔfoɔ no anim, AWURADE fie hɔ, aduhwamhyeɛbukyia no ho.

²⁰Na Ɔsɔfopanin Asaria danee n’ani kyerɛɛ no, ɔne asɔfoɔ no nyinaa, na hwɛ, wayare kwata ne moma so, na wɔpiapiaa no firii hɔ, na ɔno ara nso yɛɛ ntɛm firii adi, ɛfiri sɛ AWURADE aka no.

²¹ Na Ɔhene Usia yaree kwata kɔsii ne wuda, na ɔtenaa ayarefoɔ fie sɛ ɔkwatani, na wɔsii no AWURADE fie kwan. Na ne ba Yotam dii ɔhene fie no so, na ɔbuu asase no so man no atɛn.

²² Na Usia ho nsɛm nkaeɛ, akane deɛ ne akyire yi deɛ no, Amos ba Odiyifoɔ Yesaia atwerɛ.

²³Na Usia tii n’agyanom wɔ asamando, na wɔsiee no n’agyanom nkyɛn ahemfo asieeɛ asase no so, na wɔkaa sɛ: Ɔyaree kwata. Na ne ba Yotam bɛdii n’adeɛ.