Read Twi Asante 2 Berɛsosɛm 8 Bible Online

2 Berɛsosɛm 8 - Twi Asante bible

2 Berɛsosɛm 8

¹ Na Salomo de mfeɛ aduonu sisii AWURADE fie ne ne fie no wieeɛ no,

²ɔkyekyeree nkuro a Huram de maa no no, na ɔmaa Israelfoɔ kɔtenaa hɔ.

³Na Salomo sii mu kɔɔ Hamat-soba kɔdii so.

⁴Na ɔkyekyeree Tadmor wɔ ɛserɛ so ne adekora nkuro a ɔkyekyeree no Hamat no nyinaa.

⁵Na ɔkyekyeree atifi Bet-horon ne anafoɔ Bet-horon, nkuro a ɛyɛ den a ɛwɔ afasuo ne apono ne apono akyi adaban;

⁶ne Baalat ne adekora nkuro a Salomo wɔ no nyinaa ne nteaseɛnam nkuro nyinaa ne apɔnkɔsotefoɔ nkuro ne deɛ Salomo pɛɛ sɛ ɔkyekyeree no Yerusalem ne Lebanon ne n’ahennie asase no nyinaa so.

⁷Nso nkurɔfoɔ a wɔkaeɛ no a wɔfiri Hetifoɔ ne Amorifoɔ ne Perisifoɔ ne Hewifoɔ ne Yebusifoɔ mu a wɔmfiri Israelfoɔ no mu no nyinaa,

⁸ wɔn mma a wɔkaa wɔn akyi wɔ asase no soɔ, a Israelfoɔ annwerɛ wɔn no mu bi, na Salomo gyee wɔn ɔhyɛ adwumayɛ toɔ de bɛsi nnɛ da yi.

⁹Na Israelfoɔ no mu deɛ, Salomo amfa obiara anyɛ akoa n’adwuma mu. Na wɔne n’akofoɔ ne n’akunini so asafohene, ne ne nteaseɛnam ne n’apɔnkɔsotefoɔ so asafohene.

¹⁰Na yeinom ne adwumayɛfoɔ a Ɔhene Salomo wɔ no so asafohene, nnipa ahanu aduonum a wɔdii nkurɔfoɔ no soɔ.

¹¹Na Farao babaa no deɛ, Salomo de no firii Dawid kuro no mu baa efie a wasi ama no no mu, ɛfiri sɛ ɔkaa sɛ: Me yere nntena Israelhene Dawid fie, ɛfiri sɛ deɛ AWURADE adaka no aba no yɛ kronkron.

¹² Ɛno mu na Salomo bɔɔ ɔhyeɛ afɔdeɛ maa AWURADE wɔ AWURADE afɔrebukyia a ɔsii no ntwonoowa no anim no soɔ,

¹³ sɛdeɛ ɛhia da biara no, na ɔbɔɔ ɔhyeɛ afɔdeɛ no, sɛdeɛ Mose hyɛeɛ no, home nna deɛ ne abosome foforɔ deɛ; ne afahyɛ ahodoɔ mmiɛnsa a wɔhyɛ no afe biara, a ɛne: Apiti nnapɔnna, adapɛn nnapɔnna ne asese nnapɔnna.

¹⁴ Na sɛdeɛ n’agya Dawid atorɔmudeɛ teɛ no, ɔde asɔfoɔ no nkyekyɛmu no sisii wɔn som so, ne Lewifoɔ no nso, wɔn som nnwuma so, sɛ wɔnyi ayɛ na wɔnsom asɔfoɔ no anim, sɛdeɛ ɛhia da biara; ne apono ano hwɛfoɔ no, wɔn nkyekyɛmu mu, ɛpono ne ɛpono ano, na saa na Nyankopɔn nipa Dawid hyɛeɛ.

¹⁵Na wɔamfiri ɔhene mmara asɛm a ɛda asɔfoɔ ne Lewifoɔ no soɔ no ho, nsɛm nyinaa ne akoradeɛ no fam.

¹⁶Sei na wɔwiee Salomo adwuma no nyinaa; ɛfiri da a wɔtoo AWURADE fie fapem de kɔsi sɛ wɔwieeɛ. Sɛ wɔyɛɛ AWURADE fie no nie.

¹⁷Ɛno na Salomo kɔɔ Esion-geber ne Elot mpoano wɔ Edom asase so.

¹⁸Na Huram nam ne nkoa so de ahyɛn ne nkoa a wɔnim po ho asɛm brɛɛ no, na wɔne Salomo nkoa kɔɔ Ofir, na wɔkɔfaa sika dwetikɛseɛ ahanan aduonum firi hɔ de brɛɛ Ɔhene Salomo.