Read Twi Asante Nehemia 7 Bible Online

Nehemia 7 - Twi Asante bible

Nehemia 7

¹Na ɛbaa sɛ wɔtoo afasuo no, na mesii apono no, wɔhyehyɛɛ apono ano ahwɛfoɔ ne nnwontofoɔ ne Lewifoɔ.

²Na mede Yerusalem hyɛɛ me nua Hanani ne Hanania, aban no mu safohene no nsa, ɛfiri sɛ, na ɔyɛ ɔbarima nokwafoɔ a ɔsuro Onyankopɔn sene nnipa bebree,

³na mesee wɔn sɛ: Mommma wɔnnhini Yerusalem apono gye sɛ owia mu ayɛ den ansa. Na wɔda so gyina hɔ no wɔnkeka apono no ntoto mu, na montoto akyire. Na momfa Yerusalemfoɔ awɛmfoɔ nsisi hɔ, onipa biara nnyina ne wɛn so, ne fie ntentensoɔ.

⁴Na na kuro no mu bae tɛtrɛtɛɛ na ɛso, na nnipa a wɔwɔ mu no sua, na adan no nso, na wɔnsisii.

⁵Na me Nyankopɔn de hyɛɛ me tirim mu sɛ memmoa mmapɔmma ne mpanimfoɔ ne ɔman no ano na wɔnkan wɔn, wɔn mmusua so. Na mehunuu wɔn a wɔforo baa kane no ho mmusua nkaneeɛ nwoma, na mehunuu sɛ wɔatwerɛ mu sɛ:

⁶ Yeinom ne ɔmantam no mufoɔ a wɔfiri nnommum a Babelhene Nebukadnessar de wɔn kɔeɛ no mu foro baeɛ na wɔsane baa Yerusalem ne Yuda wɔn nkuro mu.

⁷Wɔne Serubabel, Yesua, Nehemia, Asaria, Raamia, Nahamani, Mordekai, Bilsan, Misperet, Bigwai, Nehum, Baana na ɛbaeɛ. Israel man mu mmarima dodoɔ nie:

⁸Paros mma: Mpennu ɔha aduɔson mmienu.

⁹Sefatia mma: Ahasa aduɔson mmienu.

¹⁰Arah mma: Ahansia aduonum mmienu.

¹¹Pahat-Moab mma: Yesua ne Yoab mma deɛ: Mpennu ahanwɔtwe ne dunwɔtwe.

¹²Elam mma: Apem ahanu aduonum nnan.

¹³Satu mma: Ahanwɔtwe aduanan nnum.

¹⁴Sakai mma: Ahanson aduosia.

¹⁵Binui mma: Ahansia aduanan nwɔtwe.

¹⁶Bebai mma: Ahansia aduonu nwɔtwe.

¹⁷Asgad mma: Mpennu ahasa aduonu mmienu.

¹⁸Adonikam mma: Ahansia aduosia nson.

¹⁹Bigwai mma: Mpennu aduosia nson.

²⁰Adin mma: Ahansia aduonum nnum.

²¹Ater mma: Hesekia deɛ, aduɔkron nwɔtwe.

²²Hasum mma: Ahasa aduonu nwɔtwe.

²³Besai mma: Ahasa aduonu nnan.

²⁴Harif mma: Ɔha ne dummienu.

²⁵Gibeon mma: Aduɔkron nnum.

²⁶Betlehem ne Netofa mmarima: Ɔha aduɔwɔtwe nwɔtwe.

²⁷Anatot mmarima: Ɔha aduonu nwɔtwe.

²⁸Bet-asmawet mmarima: Aduanan mmienu.

²⁹Kiriat-yearim, Kefira ne Beerot mmarima: Ahanson aduanan mmiɛnsa.

³⁰Rama ne Geba mmarima: Ahansia aduonu baako.

³¹Mikmas mmarima, ɔha aduonu mmienu.

³²Betel ne Ai mmarima, ɔha aduonu mmiɛnsa.

³³Nebo baako no mmarima: Aduonum mmienu.

³⁴Elam baako no mma: Apem ahanu aduonum nnan.

³⁵Harim mma: Ahasa aduonu.

³⁶Yeriko mma: Ahasa aduanan nnum.

³⁷Lod, Hadid ne Ono mma: Ahanson aduonu baako.

³⁸Senaa mma: Mpensa ahankron aduasa.

³⁹Asɔfoɔ no: Yedaia mma, Yesua fie deɛ: Ahankron aduɔson mmiɛnsa.

⁴⁰Imer mma: Apem aduonum mmienu.

⁴¹Pasur mma: Apem ahannu aduanan nson.

⁴²Harim mma: Apem ne dunson.

⁴³Lewifoɔ: Yesua mma: Kadmiel deɛ, Hodewa mma deɛ: Aduɔson nnan.

⁴⁴Nnwontofoɔ: Asaf mma: Ɔha aduanan nwɔtwe.

⁴⁵Apono ano ahwɛfoɔ: Salum mma, Ater mma, Talmon mma, Akub mma, Hatita mma, Sobai mma: Ɔha aduasa nwɔtwe.

⁴⁶Nsɔfokwaa: Siha mma, Hasufa mma, Tabaot mma,

⁴⁷Keros mma, Sia mma, Padon mma,

⁴⁸Lebana mma, Hagaba mma, Salmai mma,

⁴⁹Hanan mma, Gidel mma, Gahar mma,

⁵⁰Reaia mma, Resin mma, Nekoda mma,

⁵¹Gasam mma, Usa mma, Pasea mma,

⁵²Besai mma, Meunim mma, Nefusesim mma,

⁵³Bakbuk mma, Hakufa mma, Harhur mma,

⁵⁴Baslit mma, Mehida mma, Harsa mma,

⁵⁵Barkos mma, Sisera mma, Tema mma,

⁵⁶Nesia mma, Hatifa mma.

⁵⁷Salomo nkoa mma: Sotai mma, Soferet mma, Perida mma,

⁵⁸Yala mma, Darkon mma, Gidel mma,

⁵⁹Sefatia mma, Hatil mma, Pokeret-hasebaim mma, Amon mma.

⁶⁰Nsɔfokwaa ne Salomo nkoa mma no nyinaa: Ahasa aduɔkron mmienu.

⁶¹Na yeinom ne wɔn a wɔfiri Tel-mela, Tel-harsa, Kerub, Adon, Imer foro baeɛ, na wɔantumi ankyerɛ wɔn mpanimfie ne wɔn ase sɛ Israel mu na wɔfire.

⁶²Delaia mma, Tobia mma, Nekoda mma: Ahansia aduanan mmienu.

⁶³Na asɔfoɔ mu: Habaia mma, Hakos mma, Barsilai (a ɔwaree Gileadni Barsilai mmammaa mu bi, na wɔde wɔn din too ne mma),

⁶⁴yeinom hwehwɛɛ wɔn mmusua atwerɛ, na wɔanhunu. Na wɔbuu wɔn sɛ wɔn ho nteɛ nti, wɔyii wɔn firii asɔfodie mu.

⁶⁵Na amrado no ka kyerɛɛ wɔn sɛ wɔnnni akronkronneɛ mu adekronkron no bi kɔsi sɛ ɔsɔfoɔ bi de Urim ne Tumim bɛkyerɛ.

⁶⁶Badwa mu no nyinaa ano si mpem aduanan mmienu ne ahasa aduosia,

⁶⁷ɛsono wɔn nkoa ne wɔn mfenaa, wɔn nso wɔyɛ mpemnson ahasa aduasa nson. Na wɔwɔ nnwontofoɔ mmarima ne mmaa ahanu aduanan nnum.

⁶⁸Wɔn apɔnkɔ yɛ ahanson aduasa nsia, wɔn mfunumupɔnkɔ, ahanu aduanan nnum.

⁶⁹Yoma: Ahanan aduasa nnum. Mfunumu: Mpemnsia ahanson aduonu.

⁷⁰ Na agyanom atitire no mu fa bi bɛkyɛɛ adwuma no ho adeɛ: Amrado no maa sika nsuruboaa apem, nkoraa aduonum, asɔfotadeɛ ahanum ne aduasa, sɛ wɔmfa ngu akoradeɛ no mu.

⁷¹Na agyanom atitire no mu binom maa adwuma no ho akoradeɛ sika nsuruboaa mpemaduonu ne dwetɛ mmɛnaa mpennu ahanu.

⁷²Deɛ ɔman no nkaeɛ no maeɛ ne sika nsuruboaa mpemaduonu ne dwetɛ mmɛnaa mpennu ne asɔfotadeɛ aduosia nson.

⁷³Na asɔfoɔ ne Lewifoɔ ne apono ano ahwɛfoɔ ne nnwontofoɔ no ne ɔman no mu bi ne nsɔfokwaa no ne Israel nyinaa tenatenaa wɔn nkuro mu.