Read Twi Asante Ester 6 Bible Online

Ester 6 - Twi Asante bible

Ester 6

¹Anadwo no ɔhene anna, na ɔkaa sɛ wɔmfa berɛsosɛm nkaeɛ nwoma no mmra. Na wɔbɛkenkann no ɔhene anim.

² Na wɔhunuu sɛ wɔatwerɛ sɛ Mordekai na ɔbɛkaa Bigtana ne Teres, ɔhene mpiafoɔ baanu a wɔhwɛ ɛpono ano a wɔpɛɛ sɛ wɔkum Ɔhene Akas-weros no ho asɛm no.

³Ɛnna ɔhene no kaa sɛ: Anidie bɛn na wɔadi Mordekai, na dibea bɛn na woama no yei ho? Na ɔhene mmeranteɛ a wɔsom no no kaa sɛ: Wɔnyɛɛ hwee mmaa no.

⁴ Na ɔhene kaa sɛ: Hwan na ɔwɔ abannwa no soɔ? Nso na Haman aba ahemfie akyiri abannwa no so sɛ ɔrebɛka akyerɛ ɔhene na wɔasɛne Mordekai dua a wasi ama no no so.

⁵Ɛnna ɔhene asomfo no ka kyerɛɛ no sɛ: Hwɛ, Haman gyina abannwa no so. Na ɔhene no se: Ɔmmra!

⁶Na Haman baa mu. Na ɔhene ka kyerɛɛ no sɛ: Ɛdeɛn na wɔnyɛ onipa a ɔhene pɛ no anidie no? Na Haman see no n’akoma mu sɛ: Hwan bio mpo na ɔwɔ ka me ho a ɔhene pɛ sɛ ɔdi no ni sene me ara?

⁷Na Haman ka kyerɛɛ ɔhene sɛ: Onipa a ɔhene pɛ no anidie no,

⁸ma wɔmfa ahennie atadeɛ a ɔhene hyɛ no mmra, ne ɔpɔnkɔ a ɔhene tena ne soɔ a wɔde ahennie abotire bɔ ne tire no,

⁹na wɔmfa atadeɛ no ne ɔpɔnkɔ no nhyɛ ɔhene mmapɔmma akɛseɛ no mu bi nsa, na wɔmfa nhyɛ onipa a ɔhene pɛ no anidie no, na wɔmma no ntena ɔpɔnkɔ no so mfa kuro no abɔntene so, na wɔmpae nni n’anim sɛ: Sei na wɔyɛ onipa a ɔhene pɛ no anidie no!

¹⁰Ɛnna ɔhene ka kyerɛɛ Haman sɛ: Ka wo ho kɔfa atadeɛ ne ɔpɔnkɔ no, sɛdeɛ woaka no, na yɛ saa ma Yudani Mordekai a ɔte ɔhene ponkɛseɛ mu no. Nnya deɛ woaka no nyinaa mu biara.

¹¹Na Haman faa atadeɛ no ne ɔpɔnkɔ no, na ɔde hyɛɛ Mordekai, na ɔde no tenaa ɔpɔnkɔ no so de no faa kuro no abɔntene no so, na ɔpae dii n’anim sɛ: Sei na wɔyɛ onipa a ɔhene pɛ no anidie no!

¹²Na Mordekai sane baa ɔhene ponkɛseɛ no mu, na Haman yɛɛ ntɛm de abooboodie kɔɔ ne fie, wɔ animguaseɛ mu.

¹³Na Haman kaa deɛ ato no nyinaa kyerɛɛ ne yere Seres ne n’adɔfoɔ no nyinaa; na n’anyansafoɔ ne ne yere Seres ka kyerɛɛ no sɛ: Sɛ Mordekai a woafiri aseɛ rehwe ase n’anim yi firi Yudafoɔ asefoɔ mu deɛ a, worentumi no, na mmom ase na wobɛhwe n’anim.

¹⁴ Na wɔne no da so rekasa no, ɔhene mpiafoɔ no ba bɛfaa Haman ntɛm so de no kɔɔ ɛpono a Ester atoɔ no ase.