Read Twi Asante Nnwom 101 Bible Online

Nnwom 101 - Twi Asante bible

Nnwom 101

¹Dawid dwom. Mɛto adɔeɛ ne atemmuo ho dwom, wo, AWURADE, na mɛto dwom yi mama woɔ.

²Mede nimdeɛ bɛfa pɛyɛ kwan so. Da bɛn na wobɛba me nkyɛn? Mede m’akoma pɛyɛ bɛnante me fie.

³ Meremma ahuhusɛm biara nsi m’ani so, mekyiri ahohwisɛmdie, ɛremfam me ho.

⁴Akoma kontonkyi mpare me, bɔne rensɔ m’ani.

⁵Deɛ ɔhunta twiri ne yɔnko no, ɔno na mɛtwa no; ahantan ani ne akoma a ɛhoran merempene no.

⁶ M’ani wɔ asase so nokwafoɔ so, sɛ wɔmmɛtena me ho; deɛ ɔnam pɛyɛ kwan soɔ no, ɔno na ɔmmɛsom me.

⁷Deɛ ɔtwa nkontompo rentena me dan mu, deɛ ɔkeka atorosɛm rennyina m’anim.

⁸ Daa anɔpa mɛtwitwa asase so abɔnefoɔ nyinaa, na matu amumuyɛfoɔ nyinaa mafiri AWURADE kuro mu.