Read Twi Asante Nnwom 110 Bible Online

Nnwom 110 - Twi Asante bible

Nnwom 110

¹Dawid dwom. AWURADE asɛm a ɔse me wura nie: Tena me nifa kɔsi sɛ mede w’atamfo bɛyɛ wo nan ase ntiasoɔ.

² Wo tumidie poma no, AWURADE firi Sion bɛtene. “Di hene w’atamfo mfimfini!”

³ Wo man bɛyi wɔn yam koraa aba wo koda no, aduradeɛ kronkron mu, wo mmeranteɛ asafo ba ma wo sɛ obosuo firi adekyeeɛ yam.

⁴ AWURADE aka ntam, na ɔrennu ne ho: Woyɛ daapem sɔfoɔ, Melkisedek dibea so.

⁵AWURADE a ɔwɔ wo nifa soɔ no bɛbobɔ ahemfo, n’abufuo da no.

⁶ Ɔbɛdi amanaman mu asɛm, ɔbɛma afunu ahyɛ hɔ ma. Ɔbɛbobɔ tire asase a ɛtrɛ so.

⁷ Ɔbɛnom kwan ho asutene mu nsuo, enti na ɔbɛma ne tiri soɔ.