Read Twi Asante Nnwom 122 Bible Online

Nnwom 122 - Twi Asante bible

Nnwom 122

¹Ɔsoroforɔ dwom. Dawid deɛ. M’ani gyee sɛ wɔsee me sɛ: Ma yɛnkɔ AWURADE fie.

²Yɛn nan bɛgyina w’aponkɛseɛ mu, ao, Yerusalem.

³Yerusalem a wɔakyekyere no sɛ kuro a ɛtoatoam yie.

⁴ Ɛhɔ na mmusuakuo no nante korɔ, mekyerɛ AWURADE mmusuakuo, sɛ wɔrekɔyi AWURADE din ayɛ, sɛdeɛ nhyehyɛɛ a ɔde ama Israel teɛ no.

⁵Ɛhɔ na wɔde nkonnwa sisi maa atemmuo, Dawid fie nkonnwa no.

⁶Monsrɛ ma Yerusalem asomdwoeɛ, ɛnsi w’adɔfo yie.

⁷Asomdwoeɛ ntena w’afasuo mu, na yiedie ntena w’aban mu.

⁸Me nuanom ne me mfɛfoɔ nti mɛka sɛ asomdwoeɛ ntena wo mu.

⁹AWURADE yɛn Nyankopɔn fie nti mɛhwehwɛ papa mama wo.