Read Twi Asante Nnwom 13 Bible Online

Nnwom 13 - Twi Asante bible

Nnwom 13

¹Wɔde ma dwonkyerɛfoɔ. Dawid deɛ. Ao, AWURADE, ɛnkɔsi da bɛn? Wo werɛ bɛfiri me daa? Wode w’ani bɛhunta me akɔsi da bɛn?

²Ɛnkɔsi da bɛn na menni me kra mu yea, na adeɛ kye a awerɛhoɔ ntena m’akomam? Me tamfo nhoran me so nkɔsi da bɛn?

³Hwɛ na gye me so, AWURADE, me Nyankopɔn, te m’ani, na manna owuo nna,

⁴na me tamfo anka sɛ: Matumi no, na sɛ mehinhim a, m’ahohiahiafoɔ anni ahurisie.

⁵Na me deɛ, m’ani da w’adɔeɛ so, m’akoma bɛdi wo nkwagyeɛ mu ahurisie,

⁶ mɛto AWURADE dwom sɛ ɔne me adi no yie.