Read Twi Asante Nnwom 130 Bible Online

Nnwom 130 - Twi Asante bible

Nnwom 130

¹Ɔsoroforɔ dwom. Mefiri abunu kuronkuron mu mefrɛ wo, AWURADE.

²AWURADE, tie me nne, wɛn w’aso tie me nkotosrɛ.

³ AWURADE, sɛ wodi amumuyɛdeɛ akyiri a, hwan na anka ɔbɛgyina?

⁴ Na wo na fakyɛ wɔ wo fam, na wɔasuro wo.

⁵Mehwɛ AWURADE kwan, me kra rehwɛ kwan, na n’asɛm so na m’ani da.

⁶Me kra twɛn AWURADE sene awɛmfoɔ a wɔtwɛn adekyeeɛ, sene awɛmfoɔ a wɔtwɛn adekyeeɛ.

⁷Israel, ma w’ani nna AWURADE so, n’afam na adɔeɛ wɔ, na ɔgyeɛ a ɛdɔɔso wɔ ne nsam.

⁸ Ɔno na ɔbɛgye Israel afiri n’amumuyɛ nyinaa mu.