Read Twi Asante Nnwom 137 Bible Online

Nnwom 137 - Twi Asante bible

Nnwom 137

¹Babel nsubɔntene ho, ɛhɔ na yɛtenaeɛ na yɛsuiɛ berɛ a yɛkaee Sion no.

²Ɛhɔ nsukakye nnua no so na yɛde yɛn asankuo sensɛneeɛ.

³Na ɛhɔ na yɛn nnommumfafoɔ bisaa yɛn nnwom bi, na yɛn ateeteefoɔ pɛɛ yɛn hɔ anigyeɛ sɛ: Monto Sion dwom bi nkyerɛ yɛn.

⁴Ɛbɛyɛ dɛn na yɛbɛto AWURADE dwom, ananafoɔ asase so?

⁵ Yerusalem, sɛ me werɛ firi wo a, ma me nifa werɛ mfiri ne ho keka.

⁶Sɛ mankae wo a, ma me tɛkyerɛma mfam me dodom, sɛ mankae wo a, sɛ mammu Yerusalem ankyɛne m’anigyeɛ nyinaa a…!

⁷ O AWURADE, kae Yerusalem da no ma Edom mma, sɛ wɔsee sɛ: Monnwiri, monnwiri! Monnwiri nkɔsi ne fapem so!

⁸Babel babaa a wɔayɛ wo pasaa, nhyira ne deɛ ɔtua wo ka, sɛdeɛ wode yɛɛ yɛn no.

⁹ Nhyira ne deɛ ɔsɔ wo nkɔkoaa mu pempem ɔbotan.