Read Twi Asante Nnwom 14 Bible Online

Nnwom 14 - Twi Asante bible

Nnwom 14

¹Wɔde ma dwonkyerɛfoɔ. Dawid deɛ. Ogyegyentwie se n’akomam sɛ: Onyankopɔn bi nni hɔ. Wɔasɛe wɔn nneyɛɛ ayɛ akyiwadeɛ, obi nni hɔ a ɔyɛ papa.

² AWURADE firi soro hwɛ nnipa mma, sɛ ɔbɛhunu sɛ obi wɔ hɔ a ɔyɛ ɔbadwemma, obi a ɔhwehwɛ Nyankopɔn akyiri kwan.

³ Wɔn nyinaa amane, wɔn nyinaa aporɔ, obi nni hɔ a ɔyɛ papa, ɔbaako mpo nni hɔ.

⁴ Enti omumuyɛfoɔ biara nni hɔ a ɔwɔ nimdeɛ, wɔn a wɔdi me man sɛdeɛ wɔdi aduane, na wɔnsɔre AWURADE?

⁵Ɛno na wɔn ho popoeɛ, ɛfiri sɛ Onyankopɔn wɔ teneneefoɔ awoɔ ntoatoasoɔ mu.

⁶ Mobɛhwete mmɔborɔni atirimpɔ mu ara, nanso AWURADE ne ne dwanekɔbea.

⁷Hwan na ɔde Israel nkwagyeɛ bɛfiri Sion aba? Da a AWURADE de ne man agyapadeɛ bɛsane aba no, Yakob bɛdi ahurisie, na Israel ani agye.