Read Twi Asante Nnwom 142 Bible Online

Nnwom 142 - Twi Asante bible

Nnwom 142

¹Dawid nnweneho dwom. Mpaeɛ a ɔwɔ ɔbodan mu no, ɔbɔeɛ. Mede me nne mesu mefrɛ AWURADE, mede me nne mekoto mesrɛ AWURADE,

²mehwie m’abooboo megu n’anim, meka m’ahohia mekyerɛ no.

³ Me honhom tɔ piti me mu a, wo na wonim me kwan. Ɛkwan a menam soɔ no so na wɔsum me fidie.

⁴Mehwɛ nifa, na hwɛ, obi nni hɔ a n’ani ku me ho, dwanekɔbea abɔ me, obiara mfa me kra nyɛ huu.

⁵ Mesu mefrɛ wo, AWURADE. Mese: Wone me dwanekɔbea, me kyɛfa, ateasefoɔ asase so.

⁶ Wɛn w’aso tie me su, na mayɛ hodwoo, yi me firi m’ataafoɔ nsam, na wɔn ho yɛ den kyɛne me.

⁷Yi me kra firi afiase, na mayi wo din ayɛ. Ateneneefoɔ bɛtwa me ho ahyia sɛ wo ne me adi no yie.