Read Twi Asante Nnwom 147 Bible Online

Nnwom 147 - Twi Asante bible

Nnwom 147

¹ Monyi AWURADE ayɛ, na ɛyɛ sɛ wɔto dwom ma yɛn Nyankopɔn, na ɛyɛ dɛ, ayeyie fata.

²AWURADE na ɔkyekyere Yerusalem, ɔpɔn Israelfoɔ a wɔapete wɔn.

³ Ɔsa wɔn a wɔn akoma abubuo yadeɛ, na ɔkyekyere wɔn akuro.

⁴ Ɔkyerɛ nsoromma dodoɔ ano, ɔtoto wɔn nyinaa din.

⁵Yɛn AWURADE so, na ne tumi dɔɔso, ne nhunumu nni anobuo.

⁶ AWURADE ma ahobrɛasefoɔ gyina, ɔto abɔnefoɔ hwe fam.

⁷Monto aseda dwom mma AWURADE, momfa sankuo nto dwom mma yɛn Nyankopɔn.

⁸Ɔno na ɔde mununkum kata ɔsoro, ɔsiesie osuo ma asase, ɔma wira fifiri mmepɔ so.

⁹ Ɔde aduane ma mmoadoma ne anene mma a wɔsu.

¹⁰Ɛnyɛ ɔpɔnkɔ ahoɔden na ɛyɛ no fɛ, ɛnyɛ ɔdasani akokoɔduro na ɛsɔ n’ani.

¹¹AWURADE ani sɔ wɔn a wɔsuro no, wɔn a wɔn ani da n’adɔeɛ soɔ.

¹²Yerusalem, kamfo AWURADE, Sion, yi wo Nyankopɔn ayɛ!

¹³Na wahyɛ w’aponkɛseɛ adaban den, wahyira wo mma a wɔwɔ wo mu.

¹⁴ Ɔma w’ahyeɛ so dwo, ɔde ayuo pa ma wodi mee.

¹⁵Ɔma ne kaseɛ ba asase so, n’asɛm tu mmirika ntɛmntɛm.

¹⁶ Ɔma sukyerɛmma tɔ sɛ asaawa fukuiɛ, ɔpete obosuo nkyenkyeneeɛ sɛ nso.

¹⁷Ɔto n’asukɔtweaa gu sɛ mporoporowa; hwan na ɔbɛtumi n’awɔ?

¹⁸Ɔma n’asɛm nane no, ɔma ne mframa bɔ ma nsuo sene.

¹⁹Ɔyi n’asɛm kyerɛ Yakob, ɔde n’ahyɛdeɛ ne n’atemmudeɛ kyerɛ Israel.

²⁰ Ɔnyɛɛ ɔman biara saa da, na n’atemmudeɛ no, wɔnnim. Monyi AWURADE ayɛ!