Read Twi Asante Nnwom 149 Bible Online

Nnwom 149 - Twi Asante bible

Nnwom 149

¹ Monyi AWURADE ayɛ! Monto dwom foforɔ mma AWURADE, monka n’ayeyie ahotefoɔ asafo mu.

² Ma Israel ani nnye ne yɛfoɔ ho, ma Sion mma nni wɔn hene ho ahurisie.

³Ma wɔmfa asa nyi ne din ayɛ, ma wɔmfa mpintin ne asankuo nto dwom mma no.

⁴Na AWURADE ani sɔ ne man, ɔde nkwagyeɛ hyehyɛ ahobrɛasefoɔ.

⁵Ahotefoɔ hyehyɛ wɔn ho animuonyam mu, wɔto ahosan dwom, wɔn nnaeɛ so.

⁶Nyankopɔn ayeyie a ɛso wɔ wɔn anomu, na nkrantɛ anofanu hyɛ wɔn nsam,

⁷sɛ wɔbɛtɔ amanaman mu were, na wɔatwe aman aso;

⁸sɛ wɔde nkɔnsɔnkɔnsɔn bɛkyekyere wɔn ahemfo, na wɔde dadeɛ mpokyerɛ agu wɔn atitire;

⁹sɛ wɔde atɛn a wɔatwerɛ no bɛbu wɔn; ɛne n’ahotefoɔ nyinaa animuonyam. Monyi AWURADE ayɛ!