Read Twi Asante Nnwom 16 Bible Online

Nnwom 16 - Twi Asante bible

Nnwom 16

¹Dawid abebuo dwom. Onyankopɔn, fa me sie, na wo na medwane bɛtoa wo.

² Mese AWURADE sɛ: M’Awurade ne wo, menni papa biara nka wo ho.

³Na akronkronfoɔ a wɔwɔ asase soɔ no, wɔne animuonyamfoɔ a wɔsɔ m’ani koraa.

⁴Wɔn a wɔdi anyame afoforɔ akyire no, wɔma wɔn yea dɔɔso. Merenhwie wɔn mogya nhwiesa no bi, na meremfa m’ano memmɔ wɔn din.

⁵ AWURADE ne m’agyapadeɛ mu kyɛfa ne me kuruwa, wo na me nkrabea kura wo nsam.

⁶Me susuhoma akɔfa deɛ ɛyɛ ama me, aane, apɛgyadeɛ no yɛ me fɛ.

⁷ Mekamfo AWURADE a ɔtu me fo, nso anadwo m’akoma kyerɛkyerɛ me.

⁸Mede AWURADE masi m’anim daa, na ɔwɔ me nifa yi, merenhinhim.

⁹ Enti m’akoma tɔ me yam, na me kra di ahurisie, na me honam tena ase dwoodwoo.

¹⁰ Na worennya me kra Asamando, woremma wo hoteni nhunu Amena mu porɔeɛ.

¹¹Wobɛkyerɛ me nkwa kwan, anika a ɛmeeɛ wɔ w’anim, anigyedeɛ wɔ wo nifa hɔ daa.