Read Twi Asante Nnwom 19 Bible Online

Nnwom 19 - Twi Asante bible

Nnwom 19

¹Wɔde ma dwonkyerɛfoɔ. Dawid dwom. Ɔsoro ka Nyankopɔn animuonyam, na ewiem kyerɛ ne nsa ano adwuma.

²Da koro biara woro kyerɛ, na anadwo biara da nimdeɛ adi.

³Ɛnyɛ ɔkasa na ɛnyɛ nsɛm a wɔteɛ.

⁴ Ɔsoro susuhoma duru asase nyinaa so, na ne nsɛm duru wiase ano; wasi ntomadan ama owia ɔsoro hɔ.

⁵Na ɛfiri adi sɛ ayeforɔkunu a ɔfiri ne pia mu, ɛde ahosɛpɛ tu mmirika sɛ ɔbrane.

⁶ N’adifire wɔ ɔsoro ano, na ne kyini kɔduru ano hɔ, na biribiara nkora ne ho mfiri ne hyeɛ ano.

⁷ AWURADE mmara yɛ pɛ, ɛdwodwo ɔkra. AWURADE adanseɛ atim, ɛma awiɛmfoɔ hunu nyansa.

⁸ AWURADE ahyɛdeɛ tene, ɛma akoma tɔ yam. AWURADE mmarahyɛ ho te, na ɛte ani.

⁹AWURADE suro yɛ kronkron, ɛgyina hɔ daa. AWURADE atemmudeɛ yɛ nokorɛ, ne nyinaa tene.

¹⁰ Ɛyɛ akɔnnɔ sene sika ne sika amapa pii, na ɛyɛ fremfrem sene ɛwoɔ ne ahwedeɛ mu nsuo.

¹¹Wɔnam so bɔ w’akoa kɔkɔ, ɛsodie mu wɔ akatua pii.

¹² Hwan na ɔhunu ɔno ara ne mfomsoɔ mu? Me bɔne a ahunta me, fa kyɛ me.

¹³ Nso bɔ w’akoa ho ban wɔ bɔne a wɔboapa yɛ ho, na anhyɛ me so. Ɛno na mɛdi bem, na me ho afi amumuyɛ kɛseɛ ho.

¹⁴Ma m’anomu nsɛm nyɛ wo fɛ, na m’akomam nkɔmmɔ nsɔ w’ani, O AWURADE, me botan ne me gyefoɔ.