Read Twi Asante Nnwom 2 Bible Online

Nnwom 2 - Twi Asante bible

Nnwom 2

¹ Adɛn nti na amanaman yɛ gyegyeegye, na aman susu ade hunu yi?

²Asase so ahemfo sɔre gyina, na atumfoɔ bom tu agyina tia AWURADE ne deɛ wasra no no sɛ,

³ Momma yɛmmubu wɔn mpokyerɛ, na yɛnto wɔn nhoma mfiri yɛn ho ngu.

⁴ Deɛ ɔte soro no sere, AWURADE di wɔn ho fɛw.

⁵ Ɛno na ɔbɛkasa akyerɛ wɔn n’abufuo mu, na ɔde n’abufuhyeɛ bɛyi wɔn hu aka sɛ:

⁶Me AWURADE na masi me hene, me bepɔ kronkron Sion so.

⁷ Na mɛka no deɛ AWURADE ahyɛ no. AWURADE ase me sɛ: Me ba ne wo, ɛnnɛ na mawo woɔ.

⁸ Bisa me, na mede amanaman bɛyɛ wo apɛgyadeɛ, na mama woafa asase ano nohoa adi so

⁹ Wode dadeɛ poma bɛbubu wɔn, na woabobɔ wɔn sɛ ɔnwomfoɔ ahina.

¹⁰Na afei, ahemfo, monhunu nyansa. Asase so atemmufoɔ, montie afotuo.

¹¹ Monsom AWURADE osuro mu, na monni ahurisie ahopopoɔ mu.

¹² Momfa nidie mapa mma no, na ne bo amfu, na moanyera ɔkwan mu; na aka kakra na n’abufuo adɛ. Nhyira ne wɔn a wɔdwane kɔtoa no nyinaa.