Read Twi Asante Nnwom 24 Bible Online

Nnwom 24 - Twi Asante bible

Nnwom 24

¹Dawid dwom. Asase ne n’adeɛ dodoɔ yɛ AWURADE dea, wiase ne wɔn a wɔte mu no wɔ no.

² Na ɔno na ɔhyɛɛ aseɛ, ɛpo so, na ɔde atintim asukɛseɛ soɔ.

³ Hwan na ɔbɛforo AWURADE bepɔ no, na hwan na ɔbɛgyina ne tenabea kronkron hɔ?

⁴Deɛ efi nni ne nsam na n’akomam teɛ, deɛ ɔmma ne kra ani nsa ahuhudeɛ, na ɔnka nkontompo ntam.

⁵ Ɔno na ɔbɛnya AWURADE nsam nhyira na ne nkwagyeɛ Nyankopɔn bɛbu no bem.

⁶ Yeinom ne wɔn a wɔpɛ n’akyiri kwan no abusua, wɔn a wɔhwehwɛ w’anim, O Yakob Nyankopɔn.

⁷ Mo, aponkɛseɛ, momma mo tiri so, na mo, tete apono, montrɛ mo ho mu, na animuonyam hene no nhyɛne mu.

⁸Hwan ne animuonyam hene yi? Ɛyɛ AWURADE, otumfoɔ kɛseɛ, ɔbrane, AWURADE a ɔyɛ ɔbrane, ɔko mu.

⁹Mo, aponkɛseɛ, momma mo tiri so, na montrɛ mo tete apono no mu, na animuonyam hene no nhyɛne mu.

¹⁰Hwan ne saa animuonyam hene yi? Asafo AWURADE, ɔno ne animuonyam Hene no.