Read Twi Asante Nnwom 26 Bible Online

Nnwom 26 - Twi Asante bible

Nnwom 26

¹Dawid deɛ. AWURADE, bu me bem, na me pɛyɛ mu na mebɔɔ me bra, na mede me ho metoo AWURADE soɔ, manwatiri.

² AWURADE, hwehwɛ me mu na sɔ me hwɛ, nane me sawa ne m’akoma.

³Na w’adɔeɛ wɔ m’ani so, na menam wo nokorɛ mu.

⁴ Me ne nnipa huhuo antena, na me ne nyaatwomfoɔ anhyia mu.

⁵Metane nnipa bɔne dwabɔ, na me ne nnebɔneyɛfoɔ ntena.

⁶ Mɛhohoro me nsa, bemdie mu, na matwa w’afɔrebukyia ho mahyia, AWURADE,

⁷sɛ merema wɔate m’aseda dwom, na maka w’anwanwadeɛ nyinaa.

⁸ AWURADE, medɔ wo fie tenabea ne faako a w’animuonyam teɛ.

⁹Nhwim me kra nka nnebɔneyɛfoɔ ho, anaasɛ me nkwa nka mogyapɛfoɔ ho nkɔ.

¹⁰Wɔn na mmusuo hyɛ wɔn nsam, na kɛtɛasehyɛdeɛ ayɛ wɔn nifa ma.

¹¹Na me deɛ, pɛyɛ mu na mebɔ me bra: Gye me, na hu me mmɔbɔ.

¹² Me nan gyina deɛ ɛhɔ da fam, asafo ahyiaeɛ mu na mɛhyira AWURADE.