Read Twi Asante Nnwom 29 Bible Online

Nnwom 29 - Twi Asante bible

Nnwom 29

¹Dawid dwom. Mo ɔsoro asafo, momfa animuonyam mma AWURADE, momfa animuonyam ne tumi mma AWURADE.

² Aane, monhyɛ AWURADE din animuonyam, monsɔre AWURADE, ahokeka kronkron mu.

³ AWURADE nne wɔ nsuo so, animuonyam Nyankopɔn ma aprannaa bom, AWURADE wɔ nsuo bebree so.

⁴AWURADE nne mu yɛ den sɛ, AWURADE nne mu wɔ animuonyam.

⁵AWURADE nne bubu ntweneduro, AWURADE bubu Lebanon ntweneduro.

⁶ Na ɔma wɔhurihuri sɛ nantwie ba, Lebanon ne Sirion sɛ okoo ba.

⁷AWURADE nne pa gya a ɛdɛre.

⁸AWURADE nne ma ɛserɛ so hɔ him, AWURADE ma Kades serɛ so hɔ po.

⁹AWURADE nne ma aforoteɛ ko awoɔ, na ɛma kwaeɛ mu da hɔ, na n’asɔrefie mufoɔ nyinaa ka sɛ: Animuonyam nka Nyankopɔn.

¹⁰AWURADE tenaa ase wɔ nsuo a ayiri so, na AWURADE bɛtena hɔ sɛ ɔhene daa.

¹¹ AWURADE bɛma ne man ahoɔden, AWURADE de asomdwoeɛ bɛhyira ne man.