Read Twi Asante Nnwom 30 Bible Online

Nnwom 30 - Twi Asante bible

Nnwom 30

¹Dwom a wɔto de dwiraa Asɔredan no ho. Dawid dwom. Mɛma wo so, AWURADE, ɛfiri sɛ woayi me, na woamma m’atamfoɔ ani annye, me nti.

²AWURADE, me Nyankopɔn, mesu mefrɛɛ wo, na wosaa me yadeɛ.

³ AWURADE, woatwe me kra afiri Asamando, woama me nkwa na mankɔ Amena mu.

⁴Monto AWURADE dwom, mo a moyɛ n’ahotefoɔ, na monyi ne din kronkron no ayɛ.

⁵ Na n’abufuo kyɛre kakraa bi, na n’adɔeɛ deɛ, ɛtena hɔ kyɛre sɛ nkwa berɛ. Osu bɛsoɛ anadwo, na adeɛ kye a, na anigyeɛ aba.

⁶Na me deɛ, mesee m’ahodwoɔ mu sɛ: Merenhinhim ara da.

⁷AWURADE, wode w’anisɔ ama me atim denden sɛ bepɔ, na wode w’ani huntaa no, m’akoma tui.

⁸Wo, AWURADE, na mesu mefrɛɛ woɔ, na mekoto mesrɛɛ AWURADE sɛ:

⁹ Ɛdeɛn mfasoɔ na ɛwɔ me so wɔ m’Amena mu korɔ mu? Mfuturo bɛda wo ase anaa? Ɛbɛka wo nokorɛ akyerɛ anaa?

¹⁰AWURADE, tie, na hu me mmɔbɔ! AWURADE, bɛboa me!

¹¹ Woama m’abooboo adane me asa, woasane me ho ayitoma, na wode anigyeɛ abɔ me abɔsoɔ,

¹² na m’animuonyam ato wo dwom, na annyae da. AWURADE, me Nyankopɔn, mɛda wo ase daa.