Read Twi Asante Nnwom 32 Bible Online

Nnwom 32 - Twi Asante bible

Nnwom 32

¹Dawid deɛ. Nnweneho dwom. Nhyira ne deɛ wɔde ne mmarato akyɛ no, na wɔakata ne bɔne soɔ.

²Nhyira ne onipa a AWURADE mmu n’amumuyɛ ngu ne soɔ, na nnaadaa nni ne honhom mu.

³ Na memuaa m’ano no, me nnompe hodwoe, m’apinisie a mesii no daa nyinaa nti.

⁴Na awia ne anadwo wo nsa yɛɛ me so duru, me mu nsuo twee, na mekusaa sɛ awia berɛ mu.

⁵ Mekaa me bɔne mekyerɛɛ wo, na mankora m’amumuyɛ so. Mekaa sɛ: Mɛka me mmarato makyerɛ AWURADE. Wo na wode me bɔne so mmusuo kyɛeɛ.

⁶Yei nti teeni biara mmɔ wo mpaeɛ da a ɔbɛhu woɔ no. Ampa ara, sɛ asu kɛseɛ yiri a, ɛremfa ɔyaa korɔ.

⁷Wone me huntabea, wobɛbɔ me ho ban na me ho annwan me, na wode nkwagyeɛ nnwom atwa me ho ahyia.

⁸ Na wo AWURADE aka sɛ: Mɛbue w’adwene mu na makyerɛ wo ɔkwan a wobɛfa soɔ, m’ani wɔ wo so, na mɛtu wo fo.

⁹ Monnyɛ sɛ apɔnkɔ anaa mfunumupɔnkɔ a wɔnnim de, nnareka ne ɛho homa na wɔde to wɔn ano mu twe wɔn, anka wɔrentwe mmɛn wo.

¹⁰Ɔbɔnefoɔ yea dɔɔso, na deɛ ɔde ne ho to AWURADE soɔ no, wɔde adɔeɛ bɛdi no barehyia.

¹¹ Ateneneefoɔ, momma mo ani nnye AWURADE ho, na monni ahurisie! Akoma mu teefoɔ nyinaa, momfa anigyeɛ nhuro!