Read Twi Asante Nnwom 57 Bible Online

Nnwom 57 - Twi Asante bible

Nnwom 57

¹Wɔde ma dwonkyerɛfoɔ. Dawid abebuo dwom. Wɔnto no “Al-taset” sankuo nne so. Ɔtoo no ɔbodan no mu berɛ a ɔdwanee Saulo no. Hu me mmɔbɔ, Onyankopɔn, hu me mmɔbɔ, na wo na me kra dwane bɛtoa woɔ, na wo ntaban ase nwunu mu na mepɛ me dwanekɔhyɛbea kɔsi sɛ ahohia yi bɛtwa mu.

²Mesu mefrɛ ɔsorosoro Nyankopɔn, mefrɛ Onyankopɔn a ɔdi ma me wie.

³Ɔbɛsoma afiri soro abɛgye me, ɔbɔ deɛ ɔregye me amene me no ahohora. Onyankopɔn bɛsoma n’adom ne ne nokorɛ.

⁴Me kra da agyata mu, meda wɔn a wɔhome gyaframa mu. Nnipa mma a wɔn se yɛ mpea ne agyan, na wɔn tɛkyerɛma yɛ nkrantɛ nnamnnam.

⁵Onyankopɔn, ma wo ho so tena soro, ma w’animuonyam so asase nyinaa so.

⁶ Wɔsum m’anammɔn fidie, me kra brɛɛ ase, wɔtuu me kwan mu amena, wɔn ankasa ahwehwe mu.

⁷M’akoma atim, Onyankopɔn, m’akoma atim, mɛto dwom na mayi ayɛ.

⁸ Me kra, nyane, bɛnta ne sankuten, nyane, me nso mɛnyane anɔpahema.

⁹AWURADE, mɛda wo ase aman mu, mɛto wo ayeyie dwom aman mu,

¹⁰ na w’adɔeɛ so kɔduru soro, na wo nokorɛ kɔduru wiem tɔnn.

¹¹Onyankopɔn, ma wo ho so tena ɔsoro, ma w’animuonyam so asase nyinaa so.