Read Twi Asante Nnwom 58 Bible Online

Nnwom 58 - Twi Asante bible

Nnwom 58

¹Wɔde ma dwonkyerɛfoɔ sɛ wɔnto no “Al-taset” sankuo nne so. Dawid abebuo dwom. Mo atumfoɔ, ampa ara, moka asɛntenenee anaa? O, nnipa mma, mobu atɛntenenee anaa?

²Dabi, modi asɛmmɔne, akoma mu, mo nsam akakabensɛm na mokari de ma, asase soɔ.

³Abɔnefoɔ bɔ ko firi ɔyafunum, wɔfiri wɔn na yam fom kwan di atorɔ.

⁴Wɔn borɔ te sɛ ɔwɔ borɔ, wɔte sɛ ahuritia sotifoɔ a wasi n’aso

⁵ a ɛntie ntafowayifoɔ a wɔyi nkonyaa nyansam.

⁶Onyankopɔn, bubu wɔn se, wɔn anomu, AWURADE, tutu gyata aburuwa sebɔmmɔfoɔ.

⁷Ma wɔn nwe sɛ nsuo a ɛretwe, ɔkuntunu ne bɛmma mu a, ma no nyɛ sɛdeɛ wɔabu ano.

⁸Ɔsene sɛ nwa a wɔapɛkyɛ no, sɛ ɔba a ɔbaa apɔn a ɔnhunuu owia da.

⁹Ansa na mo nkukuo bɛte nkasɛɛ no nka no, sɛ ɛyɛ mono oo, ɛreben oo, ɔde abufuhyeɛ bɛpra ne nyinaa agu.

¹⁰Ɔtenenee ani bɛgye sɛ wahunu aweretɔ, ɔbɛhohoro ne nan ase ɔbɔnefoɔ mogya mu.

¹¹ Na nnipa bɛka sɛ: Ampa, akatua wɔ hɔ ma ɔteneneeni, ampa, Onyankopɔn wɔ hɔ a ɔbu atɛn asase soɔ.