Read Twi Asante Nnwom 63 Bible Online

Nnwom 63 - Twi Asante bible

Nnwom 63

¹Dawid dwom. Ɔwɔ Yuda serɛ soɔ no, na ɔtoeɛ. Onyankopɔn, wone me Nyankopɔn, mehwehwɛ wo anɔpahema, wo ho sukɔm de me kra, me honam ahodwo repɛ wo hɔ biribi, asase pɛsɛɛ a nsuo nni soɔ ma no tɔ piti wɔ so.

²Saa na mehwɛɛ woɔ wɔ kronkronbea hɔ, sɛ mɛhunu wo tumi ne w’animuonyam.

³Na w’adɔeɛ yɛ sene nkwa, mede m’ano bɛyi wo ayɛ.

⁴Saa na mete aseɛ yi mɛhyira woɔ, wo din mu na mɛma me nsa soɔ.

⁵Ɛbɛmee me kra sɛ ekyim ne sradeɛ, na mede ahosan mu anoteɛ bɛyi wo ayɛ.

⁶Sɛ mekae wo me kɛtɛ so a, medi wo ho dadwene adasuo mu.

⁷Na woayɛ me boafoɔ, na wo ntaban ase nwunu mu na medi ahurisie.

⁸Me kra bata wo ho di w’akyi, wo nsa nifa sɔ me mu.

⁹Na wɔn a wɔpɛ me kra asɛe no no bɛsiane akɔ asase ase tɔnn.

¹⁰Wɔde wɔn bɛto afena ano, wɔbɛyɛ sakraman deɛ.

¹¹Na ɔhene deɛ, n’ani bɛgye Nyankopɔn ho, obiara a ɔka ne ntam no de bɛhyehyɛ ne ho, na wɔbɛmua wɔn a wɔdi atorɔ ano.