Read Twi Asante Nnwom 79 Bible Online

Nnwom 79 - Twi Asante bible

Nnwom 79

¹Asaf dwom. Onyankopɔn, amanaman aba w’agyapadeɛ mu, wɔagu w’asɔrefie kronkron ho fi, wɔama Yerusalem ayɛ agoago.

²Wɔde wo nkoa amu ama ewiem nnomaa adi, wɔde w’ahotefoɔ nam ama asase so mmoa.

³Wɔahwie wɔn mogya agu sɛ nsuo de atwa Yerusalem ho ahyia, na deɛ ɔsie wɔn nni hɔ.

⁴ Yɛayɛ ahohora ama wɔn a wɔtete yɛn ho, fɛdie ne ahiyie ama wɔn a wɔatwa yɛn ho ahyia.

⁵ Ɛnkɔsi da bɛn, AWURADE, na wo bo bɛfu daa, na wo ninkuntwe adɛre sɛ ogya?

⁶ Hwie w’abufuo gu amanaman a wɔnni woɔ ne ahennie a wɔmmɔ wo din no so,

⁷na wɔamene Yakob, na wɔahye ne tenabea ase.

⁸Nkae akanefoɔ amumuyɛ mfa ngu yɛn so, yɛ ntɛm ma w’ayamhyehyeɛ mmɛhyia yɛn, na wɔabrɛ yɛn ase fɔmm.

⁹Di boa yɛn, yɛn nkwagyeɛ Nyankopɔn, wo din animuonyam nti na yi yɛn, na wo din nti kata yɛn bɔne so.

¹⁰ Adɛn nti na amanaman nka sɛ: Wɔn Nyankopɔn wɔ he? Ma wɔnhunu amanaman mu, yɛn anim, sɛ wotɔ wo nkoa mogya a wɔka guiɛ no so were.

¹¹ Ma ɔpokyerɛni apinisie nnuru w’anim, sɛ wo nsa kɛseyɛ teɛ no, kora owuo mma.

¹² Na ahohora a wɔn a wɔtete yɛn ho de abɔ wo, AWURADE, no, dane no mprɛnson gu wɔn kokom.

¹³Na yɛn a yɛyɛ wo man ne w’adidibea nnwan no, yɛbɛda wo ase daa, yɛbɛka w’ayeyie akyerɛ awoɔ ntoatoasoɔ nyinaa.