Read Twi Asante Nnwom 83 Bible Online

Nnwom 83 - Twi Asante bible

Nnwom 83

¹Asaf dwom. Onyankopɔn, nyɛ komm, mmua w’ano, na nhome, Onyankopɔn.

²Na hwɛ, w’atamfo yɛ gyegyeegye, na wɔn a wɔkyiri woɔ ama wɔn tiri so.

³ Wo man tiri so na wɔrepam anyansapam, na wɔkɔ wɔn a wɔahunta no tiri so agyina.

⁴Wɔka sɛ: Mommra mma yɛnku wɔn ase mfiri ɔman no mu, na wɔankae Israel din bio.

⁵Na wɔde akoma korɔ tu agyina, wo tiri so na wɔpam.

⁶Edom ntomadan ne Ismaelfoɔ, Moab ne Hagarfoɔ,

⁷Gebal ne Amon ne Amalek, Filistifoɔ asase ne wɔn a wɔte Tiro.

⁸Asiria nso de ne ho bataa wɔn ho, wɔaboa Lot mma.

⁹ Yɛ wɔn sɛ Midian, sɛ Sisera, sɛ Yabin, Kison subɔn mu.

¹⁰Wɔsɛee wɔ Endor, na wɔyɛɛ sɛ nwira dodoɔ maa asase.

¹¹ Yɛ wɔn ne wɔn adehyeɛ sɛ Oreb ne Seeb, na yɛ wɔn ahemfo nyinaa sɛ Sebah ne Salmuna,

¹² wɔn a wɔka sɛ: Momma yɛmfa Nyankopɔn afie nni, no.

¹³Me Nyankopɔn, yɛ wɔn sɛ ahum a ɛdi kyinhyia, sɛ mframa anim ntɛtɛ.

¹⁴Sɛ ogya a ɛhye kwaeɛ na ogyaframa tafere mmepɔ ho no,

¹⁵saa ara na fa w’ahum taa wɔn, na fa wo mframa denden no yi wɔn hu.

¹⁶AWURADE, ma wɔn ani nwu, na wɔmmisa wo din akyiri kwan.

¹⁷Ma wɔn anim ngu ase na wɔmmɔ twi daa, na wɔmmɔ adapaa na wɔnyera,

¹⁸ na wɔnhunu sɛ wo a wo din de AWURADE no, wo nko ara ne ɔsorosoroni, asase nyinaa so.