Read Twi Asante Nnwom 96 Bible Online

Nnwom 96 - Twi Asante bible

Nnwom 96

¹ Monto dwom foforɔ mma AWURADE, asase nyinaa, monto dwom mma AWURADE.

²Monto dwom mma AWURADE, monhyira ne din, monka ne nkwagyeɛ mfiri da nkɔ da mu.

³Monka n’animuonyam, amanaman mu, n’anwanwadeɛ, aman nyinaa mu.

⁴Na AWURADE yɛ kɛseɛ, na ɔsɛ ayeyie sɛ, ne ho yɛ hu, anyame nyinaa so,

⁵na aman anyame nyinaa yɛ abosonhuhuo, na AWURADE mmom na ɔyɛɛ ɔsoro.

⁶Ɔhran ne animuonyam wɔ n’anim, tumi ne ahoɔfɛ wɔ ne kronkronbea hɔ.

⁷Aman mmusuakuo, momfa mma AWURADE, momfa animuonyam ne tumi mma AWURADE.

⁸ Momfa AWURADE din animuonyam mma no, monsoa ayɛyɛdeɛ mmra n’abannwa so.

⁹Monsɔre AWURADE, ahokeka kronkron mu, asase nyinaa, mo ho mpopo n’anim.

¹⁰ Monka amanaman mu sɛ, AWURADE di hene, na wiase tim hɔ a ɛrenhinhim, na ɔbɛdi aman so, tenenee mu.

¹¹ Ma ɔsoro ani nnye na asase ho nsane no, ma ɛpo ne ne mayɛ nworo.

¹²Ma petee mu ne deɛ ɛwom nyinaa nni ahurisie, ɛno na kwaeɛ mu nnua nyinaa bɛto anigyeɛ nnwom,

¹³ wɔ AWURADE anim, na ɔreba, na ɔreba abɛbu asase atɛn. Ɔrebɛbu wiase atɛn tenenee mu, ne aman wɔ ne nokorɛ mu.