Read Twi Asante Nnwom 98 Bible Online

Nnwom 98 - Twi Asante bible

Nnwom 98

¹Dwom. Monto dwom foforɔ mma AWURADE, na wayɛ anwanwadeɛ, ne nifa ne ne basa kronkron adi nim ama no.

²AWURADE ama wɔahunu ne nkwagyeɛ, wayi ne tenenee adi, amanaman anim.

³ Wakae n’adɔeɛ ne ne nokorɛ ama Israel fie, asase ano nyinaa ahunu yɛn Nyankopɔn nkwagyeɛ.

⁴Nsase nyinaa, mommɔ ose mma AWURADE, monteam nni ahurisie nto ayeyie dwom.

⁵Monto dwom mma AWURADE sankuo so, sankuo ne dwontoɔ nne so.

⁶ Momfa totorobɛnto ne mmɛn nne mmɔ ose, Ɔhene AWURADE anim.

⁷ Ma ɛpo ne ne mayɛ nworo, wiase ne wɔn a wɔte mu.

⁸Ma asuo akɛseɛ mmobɔ nsam, mmepɔ mmom nni ahurisie,

⁹AWURADE anim, na ɔreba abɛbu asase atɛn. Ɔbɛbu wiase atɛn, tenenee mu, ne aman wɔ atɛntenenee mu.