Read Twi Asante Nnwom 99 Bible Online

Nnwom 99 - Twi Asante bible

Nnwom 99

¹ AWURADE di hene, aman ho popo; ɔte Kerubim so, asase him.

²AWURADE yɛ kɛseɛ wɔ Sion, na wɔama no so aman nyinaa so.

³Wɔbɛyi ne din kɛseɛ a ɛho yɛ hu no ayɛ, ɔno na ɔyɛ kronkron.

⁴ Ɔhene tumfoɔ a wodɔ atemmuo, wo na wobu atɛntenenee, Yakob mu atemmuo ne tenenee, wo na wobuo.

⁵Momma AWURADE yɛn Nyankopɔn so, na monkoto nsɔre ne nan ase adwa anim. Ɔno na ɔyɛ kronkron.

⁶ Mose ne Aaron wɔ n’asɔfoɔ mu, na Samuel wɔ wɔn a wɔbɔ ne din mu, wɔfrɛɛ AWURADE, na ɔgyee wɔn so.

⁷Ɔkasa kyerɛɛ wɔn mununkum dum mu, wɔdii n’adansesɛm ne ahyɛdeɛ a ɔde maa wɔn no so.

⁸AWURADE, yɛn Nyankopɔn, wo na wogyee wɔn soɔ, woyɛɛ wɔn Onyankopɔn a ɔde kyɛ, ne wɔn nneyɛɛ so weretɔfoɔ.

⁹Momma AWURADE, yɛn Nyankopɔn, so, na monkoto nsɔre wɔ ne bepɔ kronkron so, na AWURADE, yɛn Nyankopɔn, ne kronkron.