Read Twi Asante Mmebusɛm 13 Bible Online

Mmebusɛm 13 - Twi Asante bible

Mmebusɛm 13

¹ Ɔba nyansafoɔ tie agya atenetene, na ɔfɛdifoɔ deɛ ɔntie ntwianimu.

² Onipa anomu aba so na ɔdi nnepa, na deɛ nkontompofoɔ kra pɛ ne mmusuo.

³ Deɛ ɔkora n’ano hwɛ ne kra so, na deɛ ɔtrɛ n’anomu no nya ɔsɛeɛ.

⁴ Onihafoɔ kra kɔn dɔ, na ɔnnya, na nsiyɛfoɔ kra deɛ ɔbɛdɔre sradeɛ.

⁵Ɔteneneeni tane atorosɛm, na abɔnefoɔ yɛ aniwudeɛ ne ahohoradeɛ.

⁶Tenenee kora deɛ ne kwan yɛ pɛ, na abɔnefosɛm butu ɔdebɔneyɛfoɔ.

⁷ Obi yɛ ne ho defoɔ, nso na ɔnni hwee, obi nso yɛ ne ho hiani, nso na ɔwɔ adeɛ pii.

⁸Obi kra agyedeɛ ne n’ahonyadeɛ, na ohiani deɛ, ɔnte ntwianim.

⁹ Teneneefoɔ hann dɛre anigyeɛ, na abɔnefoɔ kanea deɛ ɛbɛdum.

¹⁰ Ahantan de ntɔkwa nko na ɛba, na wɔn a wɔtie afotuo deɛ, nyansa ne wɔn te.

¹¹Ahonyadeɛ a ɛfiri ahuhudeɛ mu sua, na deɛ ɔde ne nsa ano boaboa ano no ma no dɔ.

¹²Anidasoɔ a ɛkyɛre muba ma akoma yare, na anigyinadeɛ a ɛba mu yɛ nkwa dua.

¹³Deɛ ɔbu asɛm animtia de ɔsɛeɛ ba ne ho so, na deɛ ɔsuro mmara no deɛ, ɔbɛnya akatua.

¹⁴ Onyansafoɔ nkyerɛkyerɛ yɛ nkwa asutire, sɛ onipa de bɛfiri owuo fidie mu.

¹⁵Nimdeɛ pa ma onipa anim ba nyam, na nkontompofoɔ kwan deɛ ɛyɛ aboabo.

¹⁶ Onitefoɔ yɛ n’adeɛ nyinaa nimdeɛ mu, na ɔkwasea deɛ ɔtrɛtrɛ n’agyimisɛm mu.

¹⁷Ɔbɔfoɔ bɔne hwe amaneɛ mu, na ɔsomafoɔ nokwafoɔ deɛ ɔsa yadeɛ.

¹⁸ Ohia ne aniwuo ka deɛ ɔpo atenetene, na deɛ ɔbu animka no nya animuonyam.

¹⁹Akɔnnɔdeɛ a nsa aka yɛ ɔkra dɛ, na bɔne mu fire yɛ nkwaseafoɔ akyiwadeɛ.

²⁰Ɛne anyansafoɔ mmɔ, na dane onyansani, na deɛ ɔne nkwaseafoɔ bɔ no hunu amane.

²¹Bɔne ti nnebɔneyɛfoɔ, na ateneneefoɔ deɛ, ɔde papa tua wɔn ka.

²² Onipa pa gya n’adeɛ ma mma mma, na ɔdebɔneyɛni ahonyadeɛ deɛ, wɔtia ma ɔteneneeni.

²³Ahiafoɔ mfuo ma aduane pii ba, nanso atɛntenenee nni hɔ a, wɔpra kɔ.

²⁴ Deɛ ɔkora n’abaa tane ne ba, na deɛ ɔdɔ no no, tene no ntɛm so.

²⁵ Ɔteneneeni bɛdidi ama ne kra amee, na abɔnefoɔ yafunu bɛda mpan.