Read Twi Asante Mmebusɛm 23 Bible Online

Mmebusɛm 23 - Twi Asante bible

Mmebusɛm 23

¹Sɛ wotena ase ne ɔberempɔn rebɛdidi a, susu deɛ ɛwɔ w’anim no ho yie;

²na sɛ woyɛ odufudepɛfoɔ a, ɛte sɛ wode sekan reto mene mu.

³Mma wo kɔn nnnɔ n’adɔkɔdɔkɔwadeɛ, na ɛyɛ nnaadaa aduane.

⁴ Mmiri wo mogya ani mpɛ ahonyadeɛ, gyae wo nhunumu yi akyiridie.

⁵Wode w’ani bɛsi deɛ ɛnni hɔ so anaa? Na ahonyadeɛ fu ntaban tu sɛ ɔkɔdeɛ a ɔtu kɔ soro.

⁶Nni deɛ ɔwɔ ani bɔne aduane, na mma wo kɔn nnnɔ n’adɔkɔdɔkɔwadeɛ.

⁷Na sɛdeɛ ɔdwene ne mu no, sɛ ɔteɛ ne no, ɔse wo sɛ: Didi na nom! Nanso n’akoma nni wo ho.

⁸Afono ma a woadie no, wobɛfe, na woayera wo nsɛm dɛdɛ no.

⁹ Nkasa ngu ɔkwasea aso mu, na ɔbɛbu wo kasa mu nimdeɛ no animtia.

¹⁰ Ntwe tete hyeɛ, na nhyɛne nwisiaa mfuo mu.

¹¹Na wɔn gyefoɔ no yɛ otumfoɔ, ɔbɛdi wɔn asɛm ama wɔn atia wo.

¹²Fa w’akoma bra atentene ho, na fa w’aso bra nimdeɛ nsɛm ho.

¹³Mfa atenetene nkame abɔfra, na wode abaa hwe no a, ɔrenwu.

¹⁴ Sɛ wode abaa hwe no a, ɛno na wobɛgye ne kra afiri Asamando.

¹⁵Me ba, sɛ w’akoma hunu nyansa a, me ara nso m’akoma bɛtɔ me yam,

¹⁶na me kra ho bɛsɛpɛ no, sɛ w’ano reka deɛ ɛtene.

¹⁷Mma w’akoma mmpere wo, nnebɔneyɛfoɔ ho. Na wo deɛ, tena AWURADE suro mu daa nyinaa.

¹⁸Na ampa ara, akyire asɛm wɔ hɔ, na wɔrentwa w’anidasoɔ no ntwene.

¹⁹Me ba, wo deɛ, tie, na hunu nyansa, na tene w’akoma kɔ ɔkwan no so.

²⁰ Mfra sadweamfoɔ, wɔn a wɔsɛe wɔn honam no mu;

²¹ na ɔsadweam ne potwaafoɔ bɛdi hia, na nkotɔ de ntomago fira onipa.

²² Tie w’agya, ɔno na ɔwoo woɔ, na wo na, sɛ ɔbɔ aberewa a, mmu no animtia.

²³Tɔ nokorɛ, na ntɔn; tɔ nyansa ne atenetene ne nhunumu nso.

²⁴ Ahurisie na ɔteneneeni agya bɛdie, na deɛ ɔwoo onyansafoɔ no ani gye ne ho.

²⁵Ma w’agya ne wo na ani nnye, na deɛ ɔwoo woɔ no nni ahurisie.

²⁶Me ba, fa w’akoma ma me, na ma m’akwan nsɔ w’ani.

²⁷ Na odwamamfoɔ yɛ amena donkodonko, na ɔbaa sansani yɛ abura hihiaa.

²⁸ Ɔtɛ nso sɛ ɔkwanmukani, na ɔma nnipa mu nkɔnkɔnsafoɔ dɔɔso.

²⁹Hwan na ɔwɔ amaneɛ mu, hwan na ɔwɔ awerɛhoɔ mu, hwan na ɔwɔ ntɔkwako ne abooboodie, hwan na ɔwɔ apirapira hunu ne ani a abereɛ?

³⁰ Wɔn a wɔkyɛre nsa ho, wɔn a wɔkɔka mfrasa hwɛ.

³¹Nhwɛ nsa sɛ ɛbere kɔɔ no, na ani twa, kuruwa mu, na ɛkɔ yɔɔ no,

³²akyire yi no ɛka sɛ ɔwɔ, na ɛwɔ borɔ sɛ ahuritia.

³³W’ani bɛhwɛ ananadeɛ, na w’akoma aka akontonkyisɛm.

³⁴Na woayɛ sɛ deɛ ɔda po mfimfini ne deɛ ɔda hyɛn nnua atifi.

³⁵ Na woaka sɛ: Wɔde adeɛ bɔɔ me, ante me, wɔpem me, mante, menyane ara pɛ a, mɛkɔ so mapɛ akyiri kwan ara!