Read Twi Asante Mmebusɛm 9 Bible Online

Mmebusɛm 9 - Twi Asante bible

Mmebusɛm 9

¹Nyansa asi ne dan, wasene n’adum nson;

² wakum ne mmoa, wafra ne nsa, na wasiesie ne pono nso;

³wasoma ne mmaawa, ɔkɔteam kuro mu sorɔnsorɔmmea so sɛ:

⁴Deɛ ɔyɛ atetekwaa mmane ha! na deɛ ɔnni tire no, ɔse no sɛ:

⁵Mommra mmɛdi m’aduane no bi, na monnom me nsa a mafra no bi.

⁶ Monnyaa ntetekwaayɛ na monnya nkwa, na monnante nhunumu kwan so.

⁷Deɛ ɔtenetene ɔfɛdifoɔ no soa aniwuo, na deɛ ɔka ɔbɔnefoɔ anim no nya nkekaeɛ.

⁸ Nka ɔfɛdifoɔ anim na wantane wo; ka onyansafoɔ anim, na ɔbɛdɔ wo.

⁹Tu onyansafoɔ fo, na ɔbɛkɔ so ahunu nyansa, ma ɔteneneeni nhunu de, na ɔbɛkɔ so n’adenim mu.

¹⁰ Ampa ara nyansa mfitiaseɛ ne AWURADE suro, na ɔkronkronni no ho nimdeɛ ne nhunumu.

¹¹ Na me nti na wo nna bɛdɔɔso, na wɔde nkwa mfeɛ bɛka wo ho.

¹²Sɛ wohunu nyansa a, wohunu fa, na sɛ wodi fɛw a, wo nko na wobɛsoa.

¹³Ɔbaa kwasea yɛ ɔkasafoɔ, tibɔnkɔso a ɔnnim hwee;

¹⁴ɔtena ne fie aboboano, kuro mu sorɔnsorɔn hɔ adwa so,

¹⁵sɛ ɔrefrɛ wɔn a wɔresene ɔkwan soɔ, wɔnam wɔn nkwammɔeɛ so tee no sɛ:

¹⁶Deɛ ɔyɛ atetekwaa mmane ha! Na deɛ ɔnni tire nso, ɔse no sɛ:

¹⁷ Nsuo a wɔwia yɛ fremfrem, na ahuntaduane yɛ dɛ!

¹⁸Nso onii no nnim sɛ nsamanfoɔ wɔ hɔ, Asamando abunu mu na wɔn a wahyia wɔn no wɔ.