Read Twi Asante Ɔsɛnkafoɔ 4 Bible Online

Ɔsɛnkafoɔ 4 - Twi Asante bible

Ɔsɛnkafoɔ 4

¹Na mesane mehwɛɛ nhyɛsoɔ a wɔyɛ no owia yi aseɛ no nyinaa, na hwɛ, wɔn a wɔhyɛ wɔn soɔ no nisuo, na wɔnni ɔwerɛkyekyefoɔ biara, na nhyɛsofoɔ nsam den no mu no, wɔnni ɔwerɛkyekyefoɔ bi!

² Ɛnna medwenee sɛ awufoɔ a wɔawuwu dada no tiri ayɛ yie sene nnipa a wɔda so tete aseɛ no.

³ Na deɛ ɔyɛ sene wɔn baanu no ne deɛ ɔnnya mmaeɛ a ɔnnya nhunuu nneyɛɛ bɔne a wɔyɛ no owia yi aseɛ no.

⁴Na mehunuu ɔbrɛ nyinaa ne adwumayɛ mu yiedie nyinaa nso, sɛ ɛno ho na obi ne ne yɔnko twe ninkunu: Yei nso yɛ ahuhudeɛ ne dadwene hunu.

⁵ Ɔkwasea pompono ne nsa tena hɔ, na ɔdi ɔno ara ne honam.

⁶ Kommyɛ kakra yɛ sene ɔbrɛ ne dadwene hunu bebree.

⁷ Na mesane mehwɛɛ owia yi ase ahuhudeɛ.

⁸Ɔbaako wɔ hɔ na obiara nka ne ho, nso ɔnni babarima anaa onuabarima, nanso ne brɛ nyinaa nni awieeɛ, ahonya nso mmee n’ani. Na hwan mpo na merebrɛ na merekame me kra nnepa mama no? Yei nso, ahuhudeɛ ne ɔhaw bɔne ne no.

⁹Baanu yɛ sene baako, ɛfiri sɛ wɔn brɛ mu akatua pa wɔ hɔ ma wɔn;

¹⁰na sɛ wɔhwe ase a, ɔbaako bɛma ne yɔnko so, na ɔbaakofoɔ a ɔhwe aseɛ a obi nka ne ho mma no soɔ nnue.

¹¹Bio, sɛ baanu da a, wɔn ho yɛ wɔn hye, na ɔbaakofoɔ deɛ, ne ho bɛyɛ no hye sɛn?

¹²Na sɛ obi toa ɔbaakofoɔ a, ɔrentumi nnyina, nanso baanu ne no bɛdi asie; na ahoma a wɔaka abɔ ho mmiɛnsa no rente ntɛm.

¹³Fanyinam aberantewaa hiani nyansafoɔ sene ɔhene akɔkoraa kwasea a ɔntie afotuo bio.

¹⁴ Na obi firi nneduafoɔ dan mu bɛdii hene, nso wɔwoo no hiani n’ahennie asase no so.

¹⁵Mehunuu ateasefoɔ a wɔnam owia yi aseɛ nyinaa ne aberantewaa foforɔ a ɔbɛgyinaa n’ananmu no.

¹⁶ Ɔman no nyinaa, wɔn a wɔdii n’anim nyinaa nni awieeɛ, nso wɔn a wɔbɛba akyire yi no ani rennye ne ho. Ampa ara, yei nso yɛ ahuhudeɛ ne dadwene hunu.