Read Twi Asante Yesaia 3 Bible Online

Yesaia 3 - Twi Asante bible

Yesaia 3

¹ Na hwɛ, AWURADE, asafo AWURADE, bɛtutu dua a wɔde wa ne akyidua nyinaa afiri Yerusalem ne Yuda, aduane dua nyinaa ne nsuo dua nyinaa,

²ɔdɔmmarima ne ɔkofoni, ɔtemmufoɔ ne odiyifoɔ, nkɔmhyɛfoɔ ne ɔpanin,

³aduonum so asafohene ne onimuonyamfoɔ ne dwasemni ne adwumfoɔ mu nyansafoɔ ne deɛ ɔnim ntafowayie.

⁴ Na mede mmerantewaa mayɛ wɔn asafohene, na mmotafowa adi wɔn so.

⁵Na nkurɔfoɔ no bɛha wɔn ho, oyi ne oyi, onipa ne ne yɔnko; aberantewaa bɛkyerɛ ne ho ɔteteni so, na apapahwekwaa nso, onimuonyamfoɔ so.

⁶Sɛ obi sɔ ne nua mu, ne nua a ɔfiri n’agya fie mu sɛ: Wowɔ atadeɛ, bɛyɛ yɛn panin, na di yɛn so ahokyere berɛ yi mu,

⁷ɔbɛma ne nne so da no sɛ: Merenyɛ ɔyaresafoɔ, na me fie nso, aduane nni hɔ na atadeɛ nni hɔ, monnsi me ɔman panin.

⁸Na Yerusalem asunti, na Yuda ahwe ase, ɛfiri sɛ wɔn kasa ne wɔn nneyɛɛ ne AWURADE di asie, sɛ wɔbɛte n’animuonyam anim atua.

⁹ Wɔn nyiyimu di wɔn adanseɛ, na wɔka wɔn bɔne sɛ Sodomfoɔ, wɔnkata so. Wɔn kra nnue! Ɛfiri sɛ wɔde bɔne ayɛ wɔn ho.

¹⁰ Monka no ɔteneneeni ho sɛ, ɛbɛsi no yie, na wɔbɛdi wɔn nneyɛɛ so aba.

¹¹Ao, ɔbɔnefoɔ nnue; na ɛbɛwie no mmusuo, na ne nneyɛɛ so adeɛ na wɔde bɛma no.

¹²Me man deɛ, mmɔfra na ɛhyɛ wɔn soɔ, na mmaa di wɔn so. Ao, me man, w’akwankyerɛfoɔ yɛ nnaadaafoɔ, na wɔsɛe w’akwan tempɔn no.

¹³AWURADE asɔre redi asɛm, na wabɛgyina hɔ rebu aman atɛn;

¹⁴AWURADE reba abɛbu ne man mpanimfoɔ ne n’asafohene atɛn, ɛfiri sɛ mo na moadi bobeturo no, mmɔborɔni asadeɛ wɔ mo afie mu;

¹⁵mohunuu deɛn nti na mopɛkyɛ me man na modwɛre mmɔborɔfoɔ anim? AWURADE, asafo AWURADE Nyankopɔn, asɛm nie.

¹⁶ Na AWURADE kaa sɛ: Ɛsiane sɛ Sion mmammaa yɛ ahantan na wɔtoto abamkɔn deda wɔn ani akyi nante, wɔde anammɔn ntiantia nenam ma wɔn nan ase nkaa gyegyeɛ nti,

¹⁷AWURADE bɛma tirimkuro agu Sion mmammaa mpampam, na AWURADE bɛyi wɔn adagya so.

¹⁸Ɛda no AWURADE bɛyi afɛfɛdeɛ no, nan ase nkaa, ntomaban, asranefa,

¹⁹aso mu nnwinneɛ, nkapo, animkata ntentan,

²⁰abotire, nan ntam ntweaban, abɔsoɔ, ohwam ntoaa, mmansere,

²¹mpɛtea, hwene nnwinneɛ,

²²ntadeɛ nsakyeraho, ntadeɛ yuu, ngusoɔ, sika nkotokuo,

²³nhwehwɛ, nwera pa, mmotire ne nkatanimu.

²⁴Na ɛbɛba sɛ, ohwam ananmu na kankan bɛsie, na ntampehoma asi abɔsoɔ ananmu, na atipa asi mmɛsa ananmu, na ayitoma asi atadeɛ ananmu, na nhyehyeeɛ twa asi ahoɔfɛ ananmu.

²⁵Wo mmarima bɛtotɔ nkrantɛ ano, ne wo nnɔmmarima wɔ ɔsa mu;

²⁶na n’apono bɛdi abooboo na atwa adwo, na ɔbɛda mpan na watena fam.