Read Twi Asante Hesekiel 14 Bible Online

Hesekiel 14 - Twi Asante bible

Hesekiel 14

¹ Na Israel mpanimfoɔ mu bi baa me nkyɛn bɛtenaa m’anim.

²Na AWURADE asɛm baa me nkyɛn sɛ:

³ Onipa ba, mmarima yi de wɔn abosonhunu ahyɛ wɔn akomam, na wɔde wɔn amumuyɛ suntidua asisi wɔn anim. Memma wommisa me hɔ biribi mma wɔn?

⁴Enti kasa kyerɛ wɔn na ka kyerɛ wɔn sɛ: Sɛ AWURADE Nyankopɔn seɛ nie: Obiara a ɔfiri Israel fie a ɔde n’abosonhunu hyɛ n’akomam na ɔde n’amumuyɛ suntidua si n’ani soɔ, na ɔba odiyifoɔ nkyɛn no, me, AWURADE, mɛbua no ho bi, n’abosonhunu no dodoɔ so,

⁵na masɔ Israel fie no mu, wɔn akoma mu, sɛ wɔde wɔn abosonhunu no nyinaa ate wɔn ho afiri me ho no.

⁶ Enti ka kyerɛ Israel fie sɛ: Sɛ AWURADE Nyankopɔn seɛ nie: Monsane na monnane mo ho mfiri mo abosonhunu no ho, na monnane mo ani mfiri mo akyiwadeɛ no nyinaa ho.

⁷Na obiara a ɔfiri Israel fie, anaa ɔhɔhoɔ a wabɛyɛ Israel mu ɔhɔhoɔ no mu, na wawae afiri me ho, na ɔde n’abosonhunu hyɛ n’akoma mu, na ɔde n’amumuyɛ suntidua si n’ani soɔ, na ɔba odiyifoɔ nkyɛn bɛbisa no me hɔ adeɛ no, me AWURADE, me ara na mɛbua no.

⁸ Na mɛma m’ani asa onipa no, na mɛdwiri no ama no ayɛ nsɛnkyerɛnneɛ ne akasabebuo, na matwa no afiri me man mu, na moahunu sɛ mene AWURADE.

⁹ Na sɛ odiyifoɔ no ma wɔdaadaa no na ɔka asɛm bi a, ɛnneɛ me, AWURADE, na madaadaa odiyifoɔ ko no, na mɛtene me nsa wɔ ne so asɛe no afiri me man Israel mu,

¹⁰na wɔasoa wɔn amumuyɛ no; sɛdeɛ ɔdebisani no amumuyɛ teɛ no, sɛ odiyifoɔ no amumuyɛ bɛyɛ ne no,

¹¹ deɛ ɛbɛyɛ na Israel fie amfom kwan amfiri m’akyiri bio, na wɔamfa wɔn mmarato nyinaa angu wɔn ho fi bio, na wɔayɛ me ɔman, na me nso mayɛ wɔn Onyankopɔn, AWURADE Nyankopɔn asɛm nie.

¹²Na AWURADE asɛm baa me nkyɛn sɛ:

¹³ Onipa ba, sɛ asase bi yɛ me bɔne di afomfonsɛm bi, na metene me nsa wɔ so, na mebu ne paanoo dua mu, na mema ɛkɔm ba so, na metwa nnipa ne mmoa firi so,

¹⁴ na sɛ mmarima baasa yi, Noa, Daniel ne Hiob wɔ hɔ a, wɔn deɛ, wɔn tenenee ho na wɔbɛgye wɔn kra, AWURADE Nyankopɔn asɛm nie.

¹⁵ Sɛ mema mmoa bɔne kyini asase no so, na wɔdwerɛ ɛsofoɔ, na ɛdane afo a mmoa no nti obiara ntwam mfa so a,

¹⁶sɛ mmarima baasa yi wɔ so a, sɛ mete aseɛ yi, AWURADE Nyankopɔn asɛm nie, ampa, mmabanin ne mmammaa mpo, wɔrennye wɔn; wɔn ara nko na wɔbɛgye wɔn, na asase no deɛ, ɛbɛdane afo.

¹⁷Anaasɛ mede nkrantɛ meba asase no so, na mese: Nkrantɛ, fa asase no so, na metwa nnipa ne mmoa firi so a,

¹⁸na mmarima baasa yi wɔ so a, sɛ mete aseɛ yi, AWURADE Nyankopɔn asɛm nie, mmabanin ne mmammaa mpo, wɔrennye wɔn, na wɔn ara nko na wɔbɛgye wɔn.

¹⁹Anaasɛ mema owuyadeɛ ba asase no so, na mehwie m’abufuhyeɛ gu so, mogya mu, sɛ meretwa nnipa ne mmoa afiri so,

²⁰na Noa, Daniel ne Hiob wɔ so a, sɛ mete aseɛ yi, AWURADE Nyankopɔn asɛm nie, ampa, wɔrennye ɔbabanin ne ɔbabaa; na wɔn deɛ, wɔn tenenee so na wɔbɛgye wɔn kra.

²¹ Na sɛ AWURADE Nyankopɔn seɛ nie: Na nkantom sɛ mɛma m’atemmudeɛ bɔne nnan, nkrantɛ ne ɛkɔm ne mmoa bɔne ne owuyadeɛ, aba Yerusalem so de atwa nnipa ne mmoa afiri so!

²²Nanso, hwɛ, nnipa a wɔbɛfiri mu afire bɛka wɔn mu, mmammarima ne mmammaa, wɔde wɔn bɛfiri adi; hwɛ, wɔbɛfiri adi aba mo nkyɛn, na moahunu wɔn abrabɔ ne wɔn nneyɛɛ, na moakyekyere mo werɛ, bɔne a mede baa Yerusalem soɔ, adeɛ a mede baa soɔ no nyinaa ho.

²³Na sɛ mohunu wɔn abrabɔ ne wɔn nneyɛɛ a, wɔbɛkyekyere mo werɛ, na moahunu sɛ ɛnyɛ ɔkwa na meyɛɛ adeɛ a meyɛɛ no wɔ wɔn mu no nyinaa, AWURADE Nyankopɔn asɛm nie.