Read Twi Asante Hosea 5 Bible Online

Hosea 5 - Twi Asante bible

Hosea 5

¹Montie yei, asɔfoɔ, na monwɛn aso, Israel fie, na ɔhene fie nso, monyɛ aso; na mo so na atemmuo aba; na moadane fidie wɔ Mispa ne asau a wɔatrɛ mu wɔ Tabor so.

²Na mansotwefoɔ ama wɔn ahohwisɛmdie mu adɔ, nanso mɛtwe wɔn nyinaa aso.

³ Me deɛ, menim Efraim, na Israel nso nhunta me; na afei, Efraim, woabɔ adwaman, na Israel ho agu fi.

⁴ Wɔn nneyɛɛ mma wɔnsane mma wɔn Nyankopɔn nkyɛn, na adwamammɔ honhom wɔ wɔn mu, na wɔnnim AWURADE.

⁵Na Israel ahantan bɛdi n’anim adanseɛ, na Israel ne Efraim bɛsunti wɔn amumuyɛ mu; Yuda nso ne wɔn asunti.

⁶ Wɔde wɔn nnwan ne wɔn anantwie bɛkɔ akɔhwehwɛ AWURADE, na wɔrenhu no; ɛfiri sɛ, watwe ne ho afiri wɔn ho.

⁷Wɔatwa AWURADE nkontompo, na wɔawowo ananafoɔ mma. Afei bosome foforɔ bɛmene wɔn ne wɔn nsase.

⁸ Monhyɛne abɛn Gibea, monhyɛne totorobɛnto Rama. Mommɔ ose Bet-awen, ɛwɔ w’akyi, Benyamin.

⁹Efraim bɛdane amamfo, asotwe da no; mama wɔahunu Israel mmusuakuo ho asɛm a ɛbɛtim mu.

¹⁰Yuda mmapɔmma ayɛ sɛ wɔn a wɔtwe ɛhyeɛ kɔ akyire, wɔn so na mɛhwie m’anibereɛ magu sɛ nsuo.

¹¹ Wɔhyɛ Efraim so, wɔapɛkyɛ no atemmuo mu, ɛfiri sɛ waboapa adi n’ahuhudeɛ akyi.

¹²Na me deɛ, mete sɛ nweweboaa mema Efraim ne nhunhuniiɛ mema Yuda fie.

¹³ Na Efraim hunuu ne yadeɛ, na Yuda hunuu ne kuro; na Efraim sii mu kɔɔ Asiria, na ɔsoma maa wɔkɔɔ Ɔhene Yareb nkyɛn; na ɔno nso, ɔrentumi nsa mo yadeɛ, na ɔrentumi nkum mo ho akuro.

¹⁴ Na me deɛ, mete sɛ ɛserɛ-mu-sɛe ma Efraim ne gyataburuwa ma Yuda fie; me, me na mɛtete mu makorɔ, mɛfa makɔ a ɔgyefoɔ biara nni hɔ.

¹⁵ Mɛkɔ, mɛsane makɔ baabi, akɔsi sɛ ɛbɛka wɔn ani na wɔabɛhwehwɛ m’anim; wɔn ho hiahia wɔn a, wɔbɛhwehwɛ me ntɛm.